اقتباس:
ايواه .. مدريد .. وما مدريد .. بدك تناطح 
|
لا يابا الله يخليك.. أكره ما عندي المناطحة بالرياضة و لهالسبب قليل احكي فيها رغم انو كتير بحبها و بتابعها
اقتباس:
|
اي اكتر من مرتين .. وبرياحة .. ما بقلك كل المباريات .. بس بينزل .. وبيلعب باصات كتير .. ما بعرف عم تشككني بحالي .. يعني الشي اللي كنت افرقو فيو وقت بدي قارنو برونالدو او ب فان انو كان يرجع لورا زيادة .. دائما يكون ورا وعم يستلم باص ويحاول انو يبني الهجمة .. ما بعرف !! بس !!!
|
يا زلمة خليك معي... لو ضالة الأرقام كدليل عالمركز متل أيام التمانينات كان فيك تقول راؤول مركزو 7.. فطبيعي يكون خلف فان نيستلروي أو رونالدو, اللي واحد منهون تسعة و واحد عشرة
اقتباس:
|
اوكي .. وانا قلتلك انو لزلك الفترة التحضيرية بتكون لحتى يتأقلمو مع الطريقة المفروضة والمطلوبة من المدرب .. لحتى يتاقلم .. مع اللعيبة ..
|
كاستمرار للحكي السابق
المشكلة الكبيرة انو بستايل لعب اسبانيا مافي سبعة... الاعتماد بشكل أساسي عالتمانة (بيسمّوه بالاسباني لاعب ممر التمانة ما بعرف سمية غير شي).. و كل اللي آخدهون لويس يلعبو هالمركز و راؤول لأ... و كل تجاربو ما نجحت.. فهمت علي قصدي؟ انو الشغلة مانها تاقلم.. أخي مركز مو مركزو... مركزو اللي بيعطي فيه غير موجود بخطة لعب لويس أراغونيس.. تجيب واحد يعرف يلعب بهالمركز الا تجيب واحد تحطو بمطرح مو مطرحو؟؟
اقتباس:
|
ضد 100% ما فيك تحكي ابدا وتحكم على فريق كامل من خلال لاعب واحد بس .. بتضل وجهة نظرك !
|
ما عم احكم... عم اعطي دليل على انو راؤول بخطة لعب أراغونيس ما بيركب.. لعب خمس مباريات ما جاب ولا هدف و تلاقيه ضايع بالملعب لأنو مو طريقة لعبو و القصة أعمق من انو تتأقلم
اقتباس:
لقرار للمدرب اي .. بس النقاش بكون من الكل .. وقت بكون المدرب عم يشتغل صح كلو بيثني عليه بكون عم يغلط مفروض ينطرح الراي اللي ما عجبو الوضع وانت بتشوف ازا حكيو صح او لا ..
|
أها!!! انت عمري... حكيتلي اللي بدي ياه...
ليش عم يشتغل غلط؟ يا سيدي لو أراغونيس جاب نفس النتائج هاي اللي جابها هلأ بس معو راؤول كان عملوه شلة المدريد ألله فما فوق... بس لأنو ما آخد راؤول عم يأذوه و يأذو المنتخب بالدرجة الأولى.. فهمت علي شو قصدي؟ لو هلأ راؤول يروح عالبطولة و يقلعوهون من الدور الأول متل من بطولتين (و كان راؤول موجود) كان ما حدا يحكي شي.. بس هلأ لو يوصلو النهائي و يخسروه راح ياكلوه للويس و يقولو انو لأنو ما أخد راؤول (طبعا ما يحلمو بالنهائي.. و يا ريت كون غلطان بس هاد واقع)
اقتباس:
ما بقلك لا .. عالاغلب هيك .. وفي جزء منن كان بدو ياها تكون هدية ختامية لراؤول .. ولزلك كنت ضد . لانو المنتخب مانو .. محل هدايا .. عاخر عمرك بتمر بتاخد منك اللي بدك ياه عحساب المنتخب نو ..
لزلك كنت ضد . وضد الحملة اللي صارت ..
|
بالضبط... كلامك صح
و بالنهاية أعتقد انو الحملة هاي ضارة براؤول بالدرجة الأولى... جمهورو راح يظل يحبو ان راح و ان ما راح و عندو تاريخ مشرّف حرام يلطخولو ياه اللي يدّعون انو بدهون مصلحتو (عم احكي عن شركاتو الراعية و حتى عن بعض اداريي ريال مدريد, مو رئيس النادي اللي من هالناحية تصرّف بمنتهى الاحترام متل عادتو) بهيك مهازل.. مانو أول لاعب ما يروح ع بطولة و لن يكون الأخير
و سلامات