[alickus]

من الغريب انو شخص متلي يحكي عن الوطن كونو لما كنت بالوطن كنت دايما قول انو ايمتى رح اطلع من هون
بس هلق و انا مو هون يعني مو بالوطن صرت دائم الحديث عن الوطن
غريب الانسان كيف بيتحول فجأة من كره شي لمحبتو لانو يكون مستعد انو يضحي بكل شي مشان محبة هالشي شو ما كان يكون
هلق بيقولو انو مزمار الحي لا يطرب انا ببصم بالعشرة على هي المقولة لانو طول عمرك بيكونو الناس اللي بتحبن و الاشياء الحلوة قدامك بس انت ما بتشوفن و بترفض فكرة انو انت بتحبن بس لما بتفقدن بيصير همك الوحيد انك تسترجعهن كمان مو هون المشكلة المشكلة انو انت اللي اخترت انك تفقدهن و ما عاد فيك ترجعن يعني انت اللي سنيت السكين اللي بدها تدبحك
ما بعرف شو بدي اكتب او كيف بدي اكتب لانو مو عرفان شو عم اكتب بس انو هيك حكيت اللي بقلبي
الحياة هيي مجرد الناس اللي حولنا وبلا هالناس نحنا احياء اموات او عايشين من قلة الموت