اقتباس:
كاتب النص الأصلي : اممي
يعني عنجد حاسس حالي عم اقرا قصتي
بس الفرق ان التاريخ كان 19/4/2003
(بكره فراقك وبكره حبك وبكره تفكيري فيك وبكره انك ما بتغيب عن بالي لا ليل ولا نهار)
نفسها سمعتها قبل يومين ....
|
متل ما بقولو يمكن كل قصص الحب متل بعضا..تكرار لبعضا مع زيادة رتوش خفيفة...بس الواحد لما يحب بحس حاله ما حدا غيرو حب بالعالم....شي غريب وما الو تفسير عنجد...
بالنهاية كل الشباب متل بعضن وكل البنات متل بعضن...بس بفرق الوقت والظروف الي بتخلي هاد الشخص يحب هاي البنت....
وهاي وردة الك اممي
خطر ببالي كمل :
قبل شوي كنت عم اسمع لفيروز...بتسأل عليي كتير وبتحبني...بعرف هالحكي حافظة هالحكي كل الحكي حلو ومع انو حلو ليش بضلو احساسي يئلي لأ...فيه شي بدو يصير في شي عم بصير....
ليش بحسك دايما عم تكزب...ليش بتروح وبترجع وبتضل تكزب...ليش بتخبي وانتا عارف انو شو ما كانت ظروفك ما بتفرق معي ما دام عم تحكيلي وتشكيلي همومك...ليه بتكزب وانتا عارف اني بكره اكتر شي بالعالم الكزب...
ليش عاجبتك لعبة انو انتا تكزب وانا ساوي حالي مو عرفانة....
ليش الكل شايف حقيقتك وانا ما عم شوفا...ليش بس اسمع صوتك او شوف عيونك بفوت بالحيط زما بقا اعرف فكر وبتتغير كل القوانين وكل الاحكام الي عندي...
عالهامش....احلى موضوع بالعالم عنجد...احلى فشة خلق...هاد كلو انا ما بئدر احكيه بوشو بقا هون الواحد بفش خلئه عالتمام