يعدمني اللي بكرهك يا أبو سليمان .. شبك يا رجل عامل فيها بيبي صغير و مسكين 
بالعكس النقاط يلي أثرتها مهمة جداً و بتمنى أقدر وصل وجهة نظري بالموضوع .
اقتباس:
على زمان الرئيس حافظ الأسد كان فينا نقول انها تجيد استغلال الظروف وتسيرها لمصالحها
بس بالوضع الحالي السياسة الخارجية بوضحع محرج ومتل ما بعرف في ضغوطات على سوريا
|
كمان بظل دكتور بشار السياسة الخارجية متوازية مع فترة الرئيس حافظ إن لم تتفوق عليها !! كتير ناس بتعتبر أن عودة الملف السوري و ملف الجولان للواجهة من جديد بعد فترة طويلة حُيد هذا الملف فيها يعود فضله لسياسة سوريا في ظل دكتور بشار ..
ملف الجولان كام مقفل و ما حدا بيجيب سيرته .. السنوات الأخيرة فقد بدأنا نتحدث عن الجولان و بدأ ملف الجولان يشكل رقم مهم في المعادلة الإقليمية .. ماني متحيز للدكتور بشار بس على مستوى السياسة الخارجية بعتقد أنو تفوق على أباه و لولا المشاكل الداخلية لكان دكتور بشار أهم رئيس دولة عربية في التاريخ المعاصر .. مو سهل يا أبو سليمان أن تغرد خارج السرب و أنك ترفض الإنصياع لمطالب 22 دولة عربية و تنبطح متلهم و تسلم قرارك لكوندليزا رايس !!
اقتباس:
بعتقد في حال بدو يصير ضربة على ايران الإدارة الأمريكية مارح تضرب من خلال الكيان من الاراضي الفلسطينيةالمحتلة رح يكون من القواعد الامريكية بالخليج والعراق
وبنفس الوقت الكيان رح يكون جاهز للضرب وفتح كافة الاسلحة ع حزب الله ط
طبعا انا هون فهمت من كلامك انو الإدارة الامريكية اللي رح تضرب ايران
|
لاء ما قصدت أنو بدها تضرب من خلال أراضي الـ 1948 الفلسطينية .. بقصد أنو الكيان الصهيوني راح يشارك بالعملية .. لمعلوماتك بالشهر الماضي كان في مناورات عسكرية جوية بين الأمريكان و الصهاينة و عبرت طائرات مقاتلة صهيونية عبر الأردن و العراق و وصلت للحدود الإيرانية كتدريب أو مناورات .
أولمرت بزيارته الأخيرة لواشنطن كان ملف إيران هو الملف الأهم .
يلي قصدته أنو الكيان راح يشارك بالعملية و الأهم من ذلك لو شارك أو ما شارك راح تكون ردة فعل إيران موجهة للكيان الصهيوني و للقوات الأمريكية بالعراق و هدا هو العامل الفارق و المهم في المعادلة و فيما يخص سوريا يلي راح تنتهز الفرصة المناسبة !
اقتباس:
هلئ أكيد في حال انفرضت الحرب رح يكون في رد عنيف
بس بدو يكون في استراتيجية جاهزة تضمن عدم انفراد الكيان بسوريا
|
تمام كتير و هدا يلي كنت عم قوله و من هون عم قول أنو غلط التسرع و الإنجرار في حرب لا تعرف نتائجها .. يجب صياغة إستراتيجية فاعلة بحيث يكون الكيان الصهيوني عم يحارب على عدة جبهات سوريا و حزب الله من الشمال .. المقامة الفلسطينية من العمق ايران بواسطة صواريخها بعيدة المدى ..
و هون في أهمية عسكرية و سياسية .. الأهمية العسكرية أنو الخسائر راح تكون قليلة في سوريا أو لبنان أو فلسطين لأنو راح تغص المؤسسة العسكرية الصهيونية في مرحلة إختلال وزن و ما راح تكون قادرة على توجيه ضربة مركزة ضد جهة معينة .
الأهمية السياسية أنو وقف إطلاق النار راح يكون من طرق الصهاينة و عليه راح نقدر نملي شروطنا لوقف إطلاق النار .
بتخيل هدا السيناريو هو الأقرب للمنطق و الحكمة ..
تحياتي
إن تراب العالم لا يغمض عيني جمجمة تبحث عن وطن!
19 / 6 / 2007
|