[صياد الطيور]

ومشينا يا حبيبي

ومشينا يا حبيبي على وعد باللقى
في عيوننا كلام وحيره وقلوب متشوّقه
إمتى الميعاد الجاي حستنّى تاني إزّاي
وأنا قلبي مش نسّاي إزّاي حيصبر بقى

بحلم أنا بلقاه قلبي نسيته معاه
إمتى الساعات تجري مش قادر أستنّاه
ومنين أكون قادر وأنا قلبي مش صابر
يا ريت يدوم اللقى لو بس لحظه أنساه
إمتى الميعاد الجاي حستنّى تاني إزّاي
وأنا قلبي مش نسّاي إزّاي حيصبر بقى

الدنيا ليل ورا ليل من غيره ليلي طويل
وأنا إيه اللي أعملو صابر وصبري جميل
بالحب أنا هايم ولا يوم حكون نادم
يا ريت يدوم اللقى ما يكونش قلبو بخيل
إمتى الميعاد الجاي حستنّى تاني إزّاي
وأنا قلبي مش نسّاي إزّاي حيصبر بقى
*******************************************
العوازل

بيني وبين العوازل ما توقفش عالحياد
يا تبقى بصف قلبي يا معاهم في العناد
خدلك جانب إيجابي من راحتي أو عذابي
أمّا السلبيّه ديّه أرحم من هالبعاد

بين البينين في حيره بتحيّر العقول
وبتتعارض معايا وكمان مع الاصول
لأ مش أنا اللي أرضى بأنصاف الحلول
عشان كده بقول عشان كده بقول
خدلك جانب إيجابي من راحتي أو عذابي
أمّا السلبيّه ديّه أرحم من هالبعاد

خلّي الكلام ما بينّا واضح زيّ النهار
مش لازم أبقى دايماً ويّاك أنا في انتظار
مش حرضى أعيش في قربك ما بين جنّه ونار
ليه بالهوى تحتار ليه بالهوى تحتار
خدلك جانب إيجابي من راحتي أو عذابي
أمّا السلبيّه ديّه أرحم من هالبعاد
*******************************************
يا عيني آه

يا عيني آه لو تعرفوا إزّاي غوانا وتفهموا
حتوفّروا اللوم والندم وكمان يا ناس تتعلّموا
هوّ الحب ما هوش بسهوله
ولا حتّى من النظره الاولى
تدّوه الأمان..... وتسلّموا

جيه كلّمني وقلبو فتحلي
في ثانيه شغلني وتهيّألي
الحياه تحلى والثانيه بيه طالت
عشان ما لحقنا نهنّي قلوبنا
راح.. من غير ما نفرح بيه..
هوّ الحب ما هوش بسهوله
ولا حتّى من النظره الاولى
تدّوه الأمان..... وتسلّموا

ليه تخلّيني بقلبي أضحّي
وإنت بتهجر كل ملامحي
زمانك فاتني ولا يلزمني
ما كنش عشان ما تروح وتسيبنا
راح.. من غير ما نفرح بيه..
هوّ الحب ما هوش بسهوله
ولا حتّى من النظره الاولى
تدّوه الأمان..... وتسلّموا