اقتباس:
|
فنحن نسكن في الواقع كوكباً عادياً ككواكب كثيرة في الكون، ويقع في طرف مجرة متواضعة مثلها مجرات لا تحصى. فليس من سبب خارق يدعو الإله ليهتم بهذه الكرة الصغيرة اهتماماً خاصاً.
|
تركيب هالجملة ماعجبني!!
أنا ماعندي اهتمامات فلكية الحقيقة لكني لم أسمع بوجود كواكب كثيرة ككوكبا ليكون الأمر عادي,
تانيا استخدام كلمات نسبية متل "عادي" و"متواضعة"
يعني مابعرف شو الي بخلي مجرة بهالكون "متواضعة" بنظر عالم!!.. يمكن لو بيقصد انو صغيرة ممكن اغفرله!!
بس حاسس هالمقالة نفسية,
تالتا: مبلشة المقالة بنظرية بترد أصل الكون لانفجار حدث منذ 15 مليار سنة .. الخ لاحقا بتقول "فليس من سبب خارق يدعو الإله ليهتم بهذه الكرة الصغيرة اهتماماً خاصاً"
وهدا تناقض غير مقبول لأنو بس ينحكى عن إله صرنا بالنظرية الدينية .. الي بتنطلق من انو الاله عادل ومانو بحاجة لأسباب خارقة لتفضيل خلقه .. والتفضيل بالدين بلاقي معناه بالانسان .. خلاصته صرنا بغير شي!!
وراجعة المقالة بعدين لنظرية داروين!
اقتباس:
|
إنما العلم يحيي المناقشات ولا يقتلها، ويفتح الباب واسعاً دون إشراطات ليختار كل ما يناسبه على ضوء معطيات باتت أكثر تجانساً ومنطقية ووضوحاً وإنسانية بل وروحية .
|
عصبية الأشخاص هي من تقتل المناقشات وليس الدين, وبالعلم النقاشات مفتوحة صحيح لكن مو من دون اشتراطات متل ماسلف .. دايما في مواضيع تحتاج توفر شروط بالانسان الي بدو يفتحا,
يعني لايمكن مثلا تناقش النظرية النسبية مع واحد مابيعرفا ..
اقتباس:
|
أما اليوم فالمسألة أصبحت محسومة: إن العالم الحي ناتج من تطور المادة نفسه، وهو ليس ثمرة الصدفة مع ذلك.
|
شوف هون مثلا تسكير باب النقاش!! .. والمسألة الي معتبرها محسومة مبنية على نظرية غير مثبتة علميا!
..
هامش
خيو مطولا للمقالة, داق خلقي
