اقتباس:
كاتب النص الأصلي : Abu ToNi
أخيرا في صندوق اسمه HTML/JavaScript
هاد ما جبنا سيرته فوق ابدا ، مو لأنه ما منستعمل
بالعكس هاد أهم شي تقريبا بين الادوات كلها
والحكي عنه لحاله بده مشاركة لتنشرح فكرته وطريقة استخدامه بطريقة كافية .
|
قبل ما انسى خلينا نحكي على هلصندوق العجيب أو هلأداة الخيالية هي
الله اكبر صاير عم استشعر
يا اخوة ويا أخوات هاد الصندوق عبارة عن شيفرة خارجية بتنربط بموقعك بتعمل هي الشيفر عمل معين مثلا يعني من باب الأمثلة بتقدر هي الشيفرة تحسبلك عدد الزوار ... تعطيك نوع المتصفح اللي عم يستعمله الزائر تعملك ارتباط لصفحة بشي موقع معين بتقدر عن طريقه توصل لهي الصفحة
امثلة كتيرة وتطبيقات لا بتخلص ولا بتنتهي
عملية ربط الشيفرة هي بموقعك من اسهل ما يكون بيكفي انك تعمل كوبي باست للكود جوات الصندوق تبع الجافا سكربت ولحاله بفك البلوغ الشيرفرة وبخليها تعمل اللي بدك ياه
من فين بتقدر اتجيب الشيفرات ؟
والله سؤال ظريف وبمحله
الشيفرات هي في الها مواقع خاصة بتعطيك ياها لتطبقها بصفحتك مباشرة
مثال 1 :
الموقع هاد ( فقوش على الصورة لتروح على الموقع ) :
بعد ما تنقي اللون اللي بدك ياه يظهر بمدونتك ( انه تنقي اللون متناسب مع صفحتك )
بتنزل لتحت عند ما مكتوب :
اقتباس:
|
ها هو كود "اتش تي إم إل" لإضافتك بعد تعديل الألوان:
|
بتنسخ النص متل ما هوي وبتروح على صندوق الجافا سكربت بتلزققه هنيك
الكود هاد بخليك تعرف باللحظة هي كام زائر عندك بالصفحة
وبنفس الوقت اذا نقرت على الرمز تبع الموقع من صفحتك الرئيسية بينقلك لصفحة بتقدر تعرف فيها عدد المتصفحين لموقعك خلال 24 ساعة الماضية بتقدر تعرف احصائيات بحسب الشهر والسنة كمان لـ ( أكتر عدد وصلته صفحتك - متوسط الزوار - اصغر عدد )
انه شي كتير ظريف بنصح الكل يستعمله لأن بساعدك على تقدير ايا ساعة عم يطجش الزوار لعندك اكتر شي
ممكن هلشي يساعدك بأنك تصير تنزل تدويناتك بهي الفترة ... وبنفس الوقت بتقدر تعرف أيا شهر كان سوقك ماشي ... انه بالأخير خدمة ظريفة وبتنفعك كصاحب مدونة .
مثال 2 :
الموقع هاد :
http://www.amazingcounter.com/navg2.html
بيعطيك آلاف وآلاف العدادات الأنيقة واليسطة الي بس اتضيفها على صفحتك بتعطيك كام زائر فات لعندك من لحظة اضافة الكود للصفحة هي
صدقوني شعور كتير حلو انك تشوف عداد الزوار عم يكبر ... شي مشجع
مثال 3 :
الموقع بيعطيك هاد الشكل :
يعني بصنفلك الزوار بحسب البلدان اللي جايين منها
طبعا انت اللي بتحدد عدد الأعمدة وأكبر عدد بلدان ممكن يظهر بالمربع .. اختراع ظريف كتير .
-------------------------------------------
بالأخير اذا بدي حط أمثلة رح يلخص عمري وما رح اخلص امثلة
فينكن تبحبشوا بالنت على سكربتات وتشوفوا شو بينفعكن ممكن تلغي تفعيل زر اليمين للزائر من صفحتك .. اتضيف رسالة ترحيب للزائر وقت بفوت لعندك .. رسالة تقليع وقت بيكبس على زر الـ x تبع صفحتك
.. اوقات ممكن يطلعلكن سكربت خاص بالمنتديات فلا تعذبوا حلكن مستحيل يركب عندكن
نصيحتي الوحيدة انك ما تكتر سكربتات بالصفحة لأن هلشي بطفش الزائر بسبب أنه كلما كترت سكربتات = بيكبر حجم الصفحة لأن السكربت عبارة عن كود عم يتطبق بكل مرة = بتصير صفحتك أبطأ = بيطفش الزلمة من عندك وما بيرجع بعيدا = بترتحم تدوينيا لأنك تبقى لحالك = بتسب علي وعلى اللي اخترعني وعلي اقترح عليك تجيب سكربتات لصفحتك = بتجي بتحطلي مشاركة بتبهدلني فيها على هلنصيحة هي = بيطلع خلقي وبنزل سبسبة بالله اللي خلقك = بتخالف وبنشحط على المقتل وعنجد والله مالي ذنب
