في كتير منّأ حبو الصور إلي كانت جووجل تحطها بالمناسبات ويلي في نسبة كبيرة منها موجودة بموضوع مع جووجل على طول الخط هون بأخوية, وكتير منّا عندو رغبة بالإحتفاظ بصورة جووجل وإستبدالها بشعار جووجل الموجود عالصفحة الرئيسية. إلي بيستعمل فايرفوكس حصراً ممكن هلأ يختار الصورة إلي بتعجبو من Google Doodle وإستبدالها بالشعار بإستخدام هالبرنامج البسيط إلي اسمو GreaseMonkey وتحميلو من هون, بس تفتح اللينك بيطلع شي اسمو Add to Firefox بيعمل داونلود إلها وبيطلب منك تعمل ريستارت للفايرفوكس. بعد الريستارت إذا كنت من مستخدمين فايرفوكس أجنباوي بيطلع صورة قرد بالزاوية اليمينية للفايرفوكس وبالزاوية اليسارية في حال نسخة الفايرفوكس عربي.
بعد هيك بنّزل الفايل هاد من هونالفايل إلي نزلناه بنعمل عليه Right Click و Open with فايرفوكس, في حال الفايرفوكس مو موجود بين البرامج بنكبس على Browse وبنروح عالمكان إلي منزل فيه الفايرفوكس دبل كليك وبعدين كمان دبل كليك بتفتح صفحة إنترنت فاضية وبيطلع صفحة صغيرة فيها عدّاد ثواني بيعد 3 ثواني بس وبعدين بنكبس على Install
بعد هيك بنروح على صفحة جووجل المفروض يطلع بدل الشعار هي الصورة البشعة نوعاً ما
هلأ كيف بنغير الصورة:
Right click على صورة القرد إلي بالفايرفوكس, قبل الكليك لازم نكون موجودين بالصفحة الرئيسية ل جووجل بيطلعلنا قائمة صغيرة فيها هالخيارات هي
بنروح عالخيار إلي بالصورة
وبنختاره بتفتح صفحة Google Doodle
ومنها بنختار الصورة إلي بدنا ياها
هلأ في عدة شغلات لذيذة:
- بنقدر نخلي الصورة إلي بدنا ياها إلى أبد الآبدين
- بنقدر نخليها ثابتة بس بتتغير في حال جووجل غيّرت الصورة على موقعها
- الأحلى من هاد كلّو إنو من هالموقع هاد من هون بنقدر نشوف كلشي صور أدرجتها جووجل من سنة ال 1998 لحد اليوم وطبعاً كل صورة موجود التاريخ إلي حطوها فيه مع المناسبة - طيب إذا أنا داء خلئي من هالصور واشتئت لشعار جووجل بسيطة كتير بنكبس كبسة بالماوس على صورة القرد بنلاقيه صار لونو أسود ساعتها بيكون كلشي رجع متل ما كان
المصدر
Google Unofficial Blog
واللغة العامية من عندي, سامحونا
أنا الدمَشقي لو جرحت جسدي .... لسال منه عناقيد وتفاح