وضحت بإسهاب وجهة نظري عن موضوع ذكورية المجتمع بردي على بشر...
لاء حبيب لاء... فيزيولوجية الانسان تدخل بشكل اساسي بتركيبة نفسيته... أعطيك أمثلة صغيرة: البنت البشعة بتغار من الحلوة وبتحقد عليها وبتحقد عالشباب.. البنت الحلوه بتشوف حالها عالبنات والشباب... الشب الحلو بيتباهى بجمالو والبشع بيستحي.. ومادياً نفس الشي.. ياعمي هيك البشر.. وطبعاً في استثناءات لهالقواعد هي..
بالنسبة لموضوع فيزييولوجية المرأة انت دخلت على علم النفس .. و موضوع شائك يحتاج الى فرويد !!
طبيعة المرأة تختلف عن الرجل بشكل عام انا معك ...
بس الفكر الشمولي مو صحيح ابدا .. انو البنت البشعة تكره الجميلة ... لا انت غلطان لان الجمال نسبي ...
انا شفت كثير بنات رائعت الجمال بس التواضه ينقط منها تنقيط !
المعنى .. انو النفسية ما تعتمد على الشكل او المال ... تعتمد على التربية و الطفولة بشكل كبير و عوامل اخرى
انت رديت عليي و على بشر بموضوع الفيزيلوجيبة بنفس السياق لذلك رح رد على المشاركتين
اقتباس:
منرجع لموضوع المرأة... كيف مابدك الله يخصص المرأه بصفات العاطفة الزائدة والأحاسيس المرهفة والمشاعر وهو اختصها بموضوع الحمل والولاده والرضاعة والترباية... ولعلمك هالشي اساس المجتمع... أكيد لما خلقها مو صدفة انو يمنحها هالصفات الانسانية مشان يتماشى مع وضعها الفيزيولوجي... كيف بقا مابتفرق نفسياً؟؟
طبعاً فيك تجبلي حالة عن مصاصة دماء بنيكاراغوا أنثى... بس أي شي من هالنوع مع أو ضد بيبقى استثناء..
|
اكيد نحنا ما نقصد المرأة تقود بلد بعمر 25 او 30 سنة ...
نحنا نتحدث عن نساء كبار بالعمر ... و اولادهم قادرين يعتمدوا على نفسهم
و بنفس الوقت عمليا ما تقدر تستعين بشاب حديث الزواج .. و ما ملحق على مصروف البيت و احتياجات البيت حتى يصير رئيس وزراء ؟؟؟؟
نحنا نتحدث عن ناس لهم تجارب كثيرة بالحياة و
يقدروا يتفرغوا للعمل السياسي و المهني ...
و سابقا ما كان ينتخب شخص دون ال 35 او 40 للاعمال المتعلقة بمصلحة الشعب ...
اقتباس:
|
بتصور انك فهمت عليي من يلي فوق.. عم احكي عن مسيرة قرون من تاريخ البشرية... عم احكي عن شغلات اختص الله فيها المرأه... تشريف وليس انتقاص...
|
اي طبعا فهمت عليك ... مو انتقاص !
و كل الهلا فيك !
اقتباس:
بشر مين يلي عمل المجتمعات ذكورية؟؟ أنا وانت ولا أبي وابوك ولا جدي وجدك!!! هي مجموعة قيم عمرها من عمر البشرية... مافي شك انو بعض المجتمعات ومنها مجتمعنا كان ذكوري بالمعنى البغيض السافل للذكورية...
بس صدقني ببعض الأمكنة الذكورية تكريم للمرأة... ياعمي انت لما اختك تحتاج شي بالليل مو بتنزل انت بتجيبو... لما امك بدها تروح عالدكتور مو انت بتاخدها أو اخوك؟؟ لما كانو يحاربو بالسيف مين كان يطلع بالجيوش؟؟ مين كان يحارب؟؟ السياسة بالعالم مين ماسكها... يعني من أكبر الأمور لأصغرها... فكر معي بهالطريقة بتفهم عليي...
|
عزيزي ,,, الرجل قد يكون جسديا اقوى من المرأة ... و يتحمل الصدمات الجسدة بشكل اكبر
بس القيادة تحتاج الى قوة ذهنية و قرارات صائبة ... و دقة عمل و تأني !!!
مو كل شي خو حرب ... في لغة دبلوماسية في تسيير امور بلد
يعني ممكن من رح تتزوج ... تستعين بأمك اكثر من أبوك بأخذ القرار و شريكة الحياة
قصدي بالحالة العامة انو المرأة كثير تاثر بقرارات البيت !!
و هذا الشي صاير اصول بالمجتمع بنفس مقدار انو المرا تستعين بابوها او اخوها بقضاء المشاوير ...
الحياة اخذ و عطا ... و ما فيها شي مطلق 100%
لا تتصور انا اريد بالمطلق حكم المراة .. بس اذا اجت مرأة و حلت الوضع ببلدي ....... اكيد رح افرح بانتهاء العنف و تحسن الوضع بغض النظر جنس او معتقد الرئيس
أدعى الناس الى الشفقة ذلك الي يحول أحلامه الى الفضىة و الذهب.. جبران خليل جبران
اذا كان العالم اشتراكيا بالفطرة و رأسماليا بالفطرة و ربما قوميا بالفطرة ... فهل يا ترى كان رجعيا بالفطرة ؟
لن نبق اسرى الماضي ...