حالة غريبة !
مرحبن 
انو صاير معي حالة نفسية غريبة نوعاً ما .. وهيي مزيج من اللامبالاة والنرجسية 
كيف بدي قلك يعني ...
ما عم حب شي متل وقت كنت حب شي او شخص من قبل ... انو هيك ما عم يفرق معي شي
ما عم اتحمس لاي شي بدي ساويه او ما بدي ساويه
ما عم اكره حدا لدرجة انو اكرهو .. متل ما كنت اكرهو بشدة من قبل
ما عم حب حدا ابداً ... او ماني طايق حدا ...
ما عم اشتاق لحدا ابداً وما عم اشتاق لشي ...
وبنفس الوقت عم اعتني بحالي كتير .. انو عم بعشق حالي لدرجة فظيعة ... المراية ما بتنقام من ايدي ... لك ازا رحت عالنت كافيه ... ومافيه مراية .. بفتح الكاميرا وبقعد بتفرج ع حالي
انو ما وصلت لدرجة اني استغل العالم يلي حواليي ... بس انو هدول الناس نفسهن ما عم بيهموني .. يتدايقو ما يتدايقو .. المهم انا ارتاح ... 
انو صاير قلبي قاسي شوي كأنو ...
في حالة لامبالاة هائلة عم عيشها ...
انو من قبل .. نت حب حالي لدرجة معينة ... وكان اغلب هالحب يلي بتبجح فيه قدام العالم .. لمجرد المزح .. بس كأنو هالمزح صار جد ؟
انو ما بدي معلومات .. قريت عن هالشغلات لشبعت .. حدا عندو علاج ولو بسيط .. انو يخفف شوي عني هالحالة ... ولا روح عند دكتور ... ولا حالة وبتمرق ؟
قلت لحالي بحط هون موضوع بيضل اوفر من الدكتور 
عم احكي جد يرجى عدم التمألُس ..
الكلُّ سفّاح و ابنُ سفّـاح
.
القومُ أبناء القومِ يا صــاح
.
عندهم الدّينُ زهقُ أرواح
.
والذّبحُ للنّاس نهجُ إصْلاح
|