[حنين.]

والله مابعرف شو قلك
اللي صاير عليك صاير معي عكسو
بس تلاقي دواء قلي لاخدو بالمقلوب

بس كحلول وانا بصفتي مخبرية رح اقترح عليك تجربة
حط قانون لشوفة حالك بالمراية يعني شوفها بس حتى ما تطلع وشعرك منكوش متلا
لا تتامل فيها كتير
وكل ما لقيت حالك سرحان بجمالك لا تستسلم وشوف شي احلى منك السماء متلا او شي وردة او حط صور كتير حلوة بجيبتك طالعها كبديل
شو كمان
اي حاول تكتب قائمة بالاشياء اللي مو حلوة فيك مضمونا وبس تشوف حب حالك كبر فوق اللازم ارجع اعمل طلة عليها وبتصير فرصة كمان لتصلح عيوبك وتصير احسن ومنو بتاخد تركيزك لشيء مختلف ومهم
اما لا مبالاتك باللي حواليك وانك ماعدت تحبهم ولا تشتاقلهم عاقب نفسك بحرمانهم جرب ما تحكي مع حدى لفترة معينة خطرتلي فكرة مجنونة بس لا تعملها كنت حابة قلك زعلهم منك بس هي مخاطرة بلكي ما سامحوك وتركوك للابد
بيقولو ان الانسان ما بيحس بقيمة اللي عندو ليخسرو انت بس بعد مؤقتا حتى ما تفيق شيء يوم وتلاقي حالك خسرتهم
بالنسبة لقلة الحماس ماعندي اقتراح ان شاء الله رح تروح لحالها
وشغلة انك ما تكره ولا تحب بقوة فهي شغلة ايجابية مابعرف ليش انزعجت منها
حلو انك ملاحظ على حالك هالتغيرات هي لحالها نصف حل لمشكلتك وبلاه الدكتور بهالمرحلة بتعرف كيف بارعين وعندهم دكاء ودقة تشخيص انا ما بامنلهم خليه حل اخير