اقتباس:
كاتب النص الأصلي : غيديون
ما فهمت  |
طيب ماشي .. رح وضح فكرتي أكتر ،
أنا بشوف انو اساساً انت عم تطرحي مشكلة مش موجودة
متل ما قلت في فرق بين ال"حب" وبين ال"محبة"
ازا فتشتي عن معنى كلمة حب ومعنى كلمة محبة بتلاقي انهن مشتقات من بعض بس كل وحدة الها استعمالاتها ..
مشاعرك وودك تجاة الحبيب بيتسمى حب ،
بينما ذات المشاعر لي بتكنيها لشخص تاني او لشي تاني متل العيلة والأصحاب والقدوة والدين بتتسمى محبة .. لهيك مثلاً بتشوفي انو يقال محبة الوالدين أو محبة الرسول ..
أما بالنسبة ل ملاحظتك انو انواع الحب التانية ما بتشوفيها بالمسلسلات ،
فانتي كتير غلطانه ،
هيي دايما موجودة ومافي حبكة لقصة ما بيكون فيها هيك نوع من الحب متل محبة الأهل أو الأصحاب أو بلد أو أرض أو دين أو مكان معين ..
بس في بعض الناس بتشوفها مهمشه لأنو تعريفها للحب غلط ولكمان سبب تاني وكتير مهم ، وهو انو المسلسلات والأفلام هيي تجارية وتسويقية بحتة .. واكتر شي بيجذب الشريحة المستهلكة هو النوع التاني من الحب "حب الحبيب" لهيك منلاقي انها ماخدة مساحة زيادة عن غيرها ..
حتى بالمسلسلات التاريخية بتلاقي مساحة الحب محفوظة ... اولاً لانو جزء ما بيتجزأ من حياتنا وتانياً لأنو المستهلك بحاجة لطراوة ولسلاسة بالنص وبحاجة لشي يجذبو ويشوّقو عاطفيا
