[oliver68]

كاتب النص الأصلي : xena

اي منرجع للموضوع .... طبعا الحجاب نحنا تعلمنا طول عمرنا أنو هوي فرض .. بس هلأ بيطلعولنا علماء دين بيقولو أنو الحجاب ما فرض أو أنو الحجاب ما مقصود فيه تغطية الرأس بالخصوص أو متل القرضاوي أباح شيل الحجاب بالدول الأوروبية بسبب التفرقة و المعاناة و التمييز اللي عم يعانوا المحجبات هونيك على شرط يكون في حشمة... و أنا مع الوزير أنو الدين عند الأغلبية من المسلمين(ما كلن) هوي اللبس أو هيك شي ... المهم هادا مانو موضوعنا
اللي صار أنو فاروق حسني بكلامو أهان حرية الطرف الآخر خصيصا أنو النساء المصريات معظمن محجبات فهادا شي طبعا مانو مقبول بالحالة العامة ... يعني هوي كيف عم يطالب الناس باحترام رأيو و هوي نفسو ما احترم ممارسات الآخرين ؟ يعني أي شخص حر بمعتقداتو و ممارساتو.. حتى الهندوسي أو المدري شو أنا ما رح امنعو من ممارسة عباداتو و معتقداتو ... اللي بدو يحط ريشة فوق راسو و جزرة بأنفو و يمشي بالشارع ما رح إمنعو أو اتدخل فيه ... يصطفل
ما الحجاب اللي هوي إعاقة للفكر .. بالعكس الجهل و التخلف و عدم احترام الطرف الآخر هوي سبب الإعاقة و الرجوع لورا ...
يعني عندو رأي يحتفظ فيه لنفسو لأنو هوي عالحالتين ما استفاد شي ...

غاليتي أنا معك، بس في شغلة إنتي إلتيها، إنو "تعلمنا طول عمرنا أنو هوي فرض" يعني ماحدا حاول و فكر و اقتنع، يعني مجرد تلقين و مو أكتر.
إزا بدنا نرجع لكلام الوزير، أنا معك، إنو الحجاب مو مظهر من مظاهر التخلف ولا هوي إعاقة للفكر، بس بضل حق إبداء الرأي موجود، يعني هوي بحكم علاقاتو بالحياة وصل لهالقناعة، أكيد خطأ بس أكيد في عندو مبررات لرأيو، يعني بالنهاية هيك عاصفة ما بتستحق تنعمل لمجرد إنو إنسان عبر عن رأيو، في كتير شغلات بتستاهل ينعمل عليها ضجة أكتر من هالموضوع.
و بصراحة جماعة الحجاب بيعتبروا البنت يللي مو محجبة "سافرة" و رح "تتعلق من شعرها يوم القيامة" !!!!!! يعني ساووها أليلة شرف و بتستحق العقاب، فهادا يسمى احترام لرأي الآخر؟؟؟؟؟؟؟!!!!!!!!!!