[oliver68]

كاتب النص الأصلي : xena

عزيزي طارق....
أنا هادا كان قصدي لما قلت أنو تعلمنا أنو فرض من صغرنا بالمدارس و المجتمع ... أنا يمكن ما كون عندي قناعة بفكرة حجاب الرأس حاليا و يكمن كون غلطانة بس حسابي عند الله بس أنا ما بروح بهاجم المحجبات و عمم التخلف و الإعاقة عليون ! أنا بحترم البنت المحجبة و بتمنى كون متلا ببعض الأحيان ... بس ما هون القصة .. لما هوي حكا هالكلمتين أهان معظم نساء شعبو ... فكيف بتتوقع أنو يكون رد فعلن ؟؟؟ في شغلات ما بيصير ينعمل عليها ضجة أو تهجمات أو انتقادات لأنا أشياء أساسية عند معظم البشر و بهالحالة نحنا بس منكون عم نخلق فتنة و تفرقة و انشقاق بالمجتمع و صدقني هادا آخر شي منحتاجو ... قلي شغلة وحدة استفدنا منا من هالهجوم... و لا شي إلا الضجة و البلبلة و المشاكل و التهينا بشو قال شخص و نسينا قضيتنا و نسينا الميتين شهيد اللي راحوا بظرف يوم واحد بالعراق بكل بساطة ...متل هاديك السنة راحوا ألف واحد بغرق سفينة بمصر نتيجة فساد و إهمال و شو عملنا ؟ ما عملنا شي كنا مشغولين بقصة الرسوم المسيئة للرسول اللي ناتجة عن شخص بآخر الدنيا ما بيعرف عن الإسلام شي تفصح و حط كم رسمة مشان يعمل منا قضية و يشهر جريدتو اللي كانت عم تنطفي ...
خلينا نصلح بلادنا و حالنا بعدين نجي نحكي و نناقش عن الحجاب ...
فهمت عليي كيف ؟

أنا معك عيوني، بجوز هلأ مو وقت هيك تصريحات، بس بضل التعبير عن الرأي بهيك موضوع حرية بحتة، و كمان أنا معك إنو ما كان لازم يعتبر الحجاب رمز للتخلف، و بنفس الوقت جماعة الحجاب ما لازم يعتبروا غير المحجبة فاسقة و خارجة عن شرع الله.