أبو العبد دفشه وحده !!
هلئ انو انا مابعرف تماما طبيعه هالموضوع و لكن شكلو الناس هون بتفوت بتحكي عبعضها و بتمسح جوخ
..
ابو العبد شغله كـبيره .. بتذكر اوّل ما فات عبد عاخويه ما طقته و لا هوّ طاقني (( و اغلب صداقاتي الناجحه بتبلّـش بهالطريه يمكن هيّ اعتمادا على رأي الصحفي GLENN O'BRIEN بمقولته :
" If a work of art, or a song, or even a person, confuses you at first, maybe pisses you off a little bit, then chances are it's really, really good."
و ترجمه هالمقطه انو اذا شي قطعه فنيه او غنيه او حتّى شخـص ما ارتحتله بالبدايه أو حتّى زعجك شـوي كمان فهالـشي بيعني انو هالقطعه الفنيه , الغنيه, أو هالشـخص عنجد عنجد منـاح ..
هلئ المهم وين سرحنا ..
اي فهيك مسـيو عبد .. بالبدايه ما تفاهمنا (( مش لاسلوبه متل ما قالو بعض الشباب بس بين كل فتره و فتره بفوت شـخص عاخويه بيعمل ضجـّه و بيبهر الناس و بصير الشاطر يقول قريتي موضوع فلان شفتي رد فلان و ببلش الجميع بيأطرأ و بيبدي اعجابه و أنا كبريائي بيطعجني اذا بدي انبهر فيه متل الباقي و لذلك ما لقيت قدامي الا اني استغلظ دمه و هو شجعني على هالشي
.. ))
بس بعدين صرنا احلى عالم .. ابو العبد من اكتر الناس اللي بعزهم باخويه و بفتخر هيك يعني بنبسط بصداقته ..
هلئ الشغلات السلبيه هوهووووووووووو .. كتـار بس جاين حفر و تنزيل عشخصيته لذلك يعني بتحس اذا تحسنو بنضيعو لابو العبد ..
احلى مشوار مع عبد هو القهوه الصباحيه عالمستعجل و هي عم تنط .. اللي ما داق هالقهوه لسـّا ما داق قهوه
..
احلى عالم (( عقوله مريومه ))