[sweetbaby]

الله يلعن بيي الغربة شو سووت بحالي
مرة ومرمرتلي قلبي وسرقتلي الغالي
قلنا منسافر سنتين ومنرجع عالضيعة
مرق العمر وبعدو حسين ماخلص هالبيعة
ويلي ويلي ويلي الله يعين اللي عندو عيلة
عايش عالشمعة مهموم عم يتحمم بالكيلة
دلي دلي دلي ياتعتيري ويادلي
شو صاير بهالناس كلو عايش بالقلة
شومشتاق لامي واختي تكوي تيابي
اسمع شي كلمة حنية تنسيني عذابي
بسافر شب وبرجع شايت تارتاح شويي
برجع مابلاقي الحبايب شو صعبة ياخيي
هي هي هي هالدنيي هيي هيي
بتجي ناس بتمشي ناس وبتضلها هي هيي
ياامي ياامي ياامي مش قادر انسى همي
متل خيال بدربي صار وصار عم يمشي بدمي
مابدي هالغربة راجع ع الضيعة لاقوني
بدي اركع بوس ترابها هالارض الحنونة
عيش بهالدنيي وتهنا وضلك عايش راضي
راحت رجعت طلعت نزلت رح تزعل عالفاضي
جنة جنة جنة هالدنيي والله جنة
اسمع مني وريح هالبال وضلك عايش متهني
عني عني عني ياغربة حلي عني
فرقتي كل الاحباب واخدتي الغالي مني


صباح الشوق والرجعة ع البلد
صباح حمص ام البلاد والمشتى
صباح كل مين بيضل يصبح علييي

صباحووو
فدووش، صافو، صفصف، مريومة(يللي عيد ميلادك رجعلي زكريات كتيير)، جوفيا، أم الجود، فؤاد، ابوريتا، ابو نجبو، ابو العبد، زين، طارق، لما، محمد ابراهيم، نسرين، مثنى، بشر،قصي، ومجنون يحكي وعاقل يسمع، ...
انشالله ماكون نسيت حدا...

يسعدلي صباحك حبيبي..ويخليلي ياك يااغلى واروق واحلى عمر بعيشو...