[اممي]

كاتب النص الأصلي : saba n

كنت اتمنى لو ان الموضوع جاء بصيغة (هل فشلت الاحزاب الشيعية في الحكم..؟ )
ولو انه تناول تلك المسيرة الحديثة التجربة بنقد اكثر اقترابا" من الاحداث ..
ربما وقتها سيكون من الجدير بنا ان نناقش الموضوع ..
اما مقولة هل فشل الشيعة في الحكم فـ..!!!!!

ساعتها كان فقد الموضوع هدفو...وهوه الدق علي العصب المذهبي للتئليب ضد فئة محدده
لان صاحبة الموضوع كل يومين تتحفنا بخبر ضد ايران او شي موضوع ضد الشيعة والحلو ان معضم هالمواضيع هوه COPY و PASTE
رغم ان لو كان الموضوع حيادي شوي ومالو هالنفس الطايف راح يكون كتير رائع ان نناقش وضع دوله يفترض ان يكون الها كل مقومات النجاح وتحديدا عراق اليوم الي فيه الانسان ينتقد مين ماكان ويروح ينتخب حكومتو الي بدوياها ومع كل هالاموال الطائله الي بتفوت علي خزينتو بس رغم كل هالشي بتشوف البلد منهك وكل الصور المنقوله عنو بتحكي عن الدمار
هلق الدمار وشو صورتو وشو واقعيه الصور ومين الي عم تنعرض مسول عنها ماعاد موضع ثقة لان الاوراق كتير مخلوطه والاعبين كتار بس بالتاكيد وبشكل قاطع ان تحميل طرف واحد هوه خلط او استخفاف بالحقيقة
الكل عم يحكي عن تاثير ايراني بالعراق ودوما عم يحاولو يوصلو ان تعو ياجماعة كل هالي موجودين بالجنوب هنن ايرانيه وكلن خونه وعملاء للفرس والاكراد الي شايفينهن بالشمال ويلي ما اوسخهن هدول كلاب للاميركان ومطيه للصهيونيه بالمنطقة مابيصفي حباب وضريف بهالبلد غير شويه هالسنه الي عايشين بهالاضطهاد ودخيلكن ياعرب انجدونا...
هلق رغم ان الواقع ماهيك وهاد كلو علاك مصدي لاسباب كتيره اهمها ان هالشعب الي عايش بالجنوب تحديدا عراقي اصيل وكلو بينتمي لقبائل عربيه اصيله فيه بيوصلك لسابع جد برياحه وهوه الي عم ثوره العشرين ضد الانكليز ورضي بحاكم سني وكان الو دور كبير باسقاط الملكية وصفق لعبد الكريم قاسم الي كمان منو شيعي وهوه الي ناضل وضحى بحروب من اجل هالوطن اكيد هالشعب منو طائفي ولا خائن
القصة بصراحة ياحلوين مابتعدو اكثر من نكتة او حدث تاريخي خلت شعب اكثريه في بلد عربي يطلع منو حدا يحكمو وبنفس الوقت في شويه ناس تانين زعلانين ان يابا كيف عم يحكمنا هاد الي كنا عاملينو ممسحة امبارح ومانعين عليه ان يصير حدا منو وزير او رئيس وزرا او ياسيدي قائد فرقة ولاسباب اكيد مابتحكنها الصدفه يعني

المهم هلق انسو كل هالقصص وهالماضي الاليم وحاولو تتعايشو مع بعض لان وحيات الرب كل هالحكي اعلاه مابيوصلكن الا لطريق اسود نهايتو بتهوي... احسن شي حبو بعض وبلا هالضرب تحت الحزام ,معليش ان بيوجع مو للمضروب بل للضارب كمان لان ساعتها راح ينوبو شي من الضرب