الموضوع: الكون
عرض مشاركة واحدة
قديم 30/08/2009   #4
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


تعليق تاني ع الاسم (الدرب اللبنية)
اقتباس:
كاتب النص الأصلي : أبو العتم
The Milky Way وهو ترجمة للتعبير الأغريقي Kiklos Galaxias الذي يعني الدائرة اللبنية. والقصة وراء هذا الاسم هي أن الرضيع هيراكليس(هرقل في النسخة الرومانية)حاول الرضاعة من صدر حيرا. وفيما تعرفه الأمهات الحاضنات في كل مكان، وكإشارة إلى رد فعل خذلان قوي,أنتثر بعض الحليب إلى خارج فم هيراكليس. وعندما أخفق في أن ينهل من هذا الجدول القدسي، حرم هيراكليس من فرصته في الخلو. أما الحليب الذي تدفق إلى السماء فقد شكل "الدرب اللبنى" أو درب التبانة(باللغة العربية).
صحيح هاللقش تماماً..
ولكن.. الأصل بالتسمية بيرجع أكتر شوي من الأسطورة اليونانية..
قال يا سيدي هي بترجع للسومريين ببلاد الرافدين..
ليش؟
لإنو لقيوا على بعض الألواح القديمة أناشيد كانت تتغنى بالاحتفالات السنوية بإله القمر عندن (كان اسمو سون-نانا وهالإله، للمفارقة يعني بعكس الثقافة اليونانية اللي ربطت القمر بإلهة أنثى هي سيلين، والرومانية بالإلهة ديانا، كان إله القمر عند السومريين أبو الإلهين الكبار التانيات، أوتو إله الشمس وإنانا إلهة الزهرة)
المهم..
السومريين أطلقوا على إله القمر اسم (نور السماء) أو (السفينة السابحة في السماء)، وبما إنهن بهيديك المنطقة أبناء حضارة زراعية.. يعني كانوا يهتموا بتربية المواشي، وطبعاً كان إلههم راعي لكل نشاطاتهم.. لذلك منشوف إنهن أسقطوا مفاهيمهم ومفردات حياتهم على أساطيرهن عن آلهتهن.. فبتلاقيهن كانوا يشوفوا النجوم والكواكب على إنها حيوانات ومواشي سارحة بأملاك الإله سون-نانا

شو كان بدي قول؟
إي..
هالأشعار السومرية كشفت عن علاقة بتربط بين القمر والنجوم.. وبين الخيط الحليبي الأبيض. وبين ولادة الإله سوين ورغبة أبوه قال بإنو يشرب من هالحليب المسكوب ع صدر السما.


فـ هيك يعني مشان ما نغمط أجدادنا السومريين حقهن بالتسمية

ربما كان عدم الاتفاق أقصر مسافة بين فكرين. (جبران النبي)
  رد مع اقتباس
 
Page generated in 0.02937 seconds with 11 queries