اقتباس:
كاتب النص الأصلي : Abu ToNi
الديمقراطية بتعتمد على الوعي اكتر ما انها بتعتمد على الحرية
لو فرضنا .. انه صار متل ما انا تخيلت .. وصار في انتخابات ديمقراطية على واقعنا هاد نفسه .. بدون تحسين او تطوير
بدها اتطول القصة ولا بدها تكون فقط عملية شكلية لانتزاع الحكم ؟!
|
انتخابات اليوم بسوريا هي أمر غير واقعي (بتمنى من كل قلبي يمكن لو بعتمد على عاطفتي, انو اليوم قبل بكرا يصير في انتخابات).
لكن هاد أمر غير ممكن, لسببين:
- الأول انو بدك وعي, بدو سنين ليتشكّل.. يجوز ما بدو قرون متل ما يحاول دعاة الجمود تصويرو, لكن بدو على الأقل ما بين 7 إلى 10 سنين من العمل الجاد المتواصل جدا و بظروف جيدة. هالوعي يشمل جوانب كتيرة جدا تبدأ من معرفة شو موقعك كمواطن داخل الدولة, و تنتهي بشو فائدة صوتك و شو يعني صوتك بشكل تمثيلي.
- الثاني انو الانتخابات هيي شريط نهاية سباق و ليست بداية شي, و بالظرف الحالي انتخابات حاليا رح يكون ظلم كبير لاتجاهات ما سمحتلا الظروف لحتى تحاول تعمل قاعدة شعبية. فراح يكون سباق عم تباشر فيه هالجهات من خط الانطلاق البعيدة, بينما في جهتين رح يبوه من جنب خط النهاية, لأنو الشعب ما بيعرف غيرهون:
النظام الحالي: بعد أربعين سنة مافي داعي قول شو هوي..
الاسلاميين: يجوز ما معروفين كأشخاص أو كأسماء أحزاب, بس في طور الجهل السياسي الحالي و كونهم البديل الوحيد اللي بيعرفوه العالم (يعني بشكل أو بآخر, قاعدة شعبية)
فلذلك بدك فترة تحويل ديمقراطي تنفعلك لحتى تشتغل بشكل جاد عالتوعية الشعبية بشكل كثيف, بالتزامن مع التعديلات القانونية و الدستورية اللازمة, و بهالفترة تكون في تيارات سياسية أخدت فرصتها الزمنية لتتشكل و تاخد مكانها على أرض الواقع