اقتباس:
كاتب النص الأصلي : VivaSyria
مرحبا أول شي 
أهلين وين هالغيبة
شوف أيهم مع العلم انو انا بتفق معك بأغلب الأفكار السياسية يلي بتطرحها بس دائماً بخالفك بموضوع الإخوان وبحاول ما نتواجه بهالشي بس هالمرة حابب وضحلك كم نقطه:
مو كل حزب بيسمي حالو بإسم معين بيكون ممثل لهالإسم بمعنى مو إذا الحزب اسمو حزب "الله" بيكون بيمثل الله على الأرض ومو إذا الحزب اسمو الإخوان "المسلمين" بيكون بيمثل الإسلام على الأرض وواجب علينا طاعة هالأحزاب والسكوت عن أخطائها "القاتله أحياناً" حتى مانكون عم نحارب الله والإسلام... بغض النظر عن شعارات الأحزاب لازم نعالج الأمور بموضوعية ومنطقية...
وانا ما قلت ابدا انو الاخوان بيمثلوا اي شي بسوريا, ولا يمكن اني كون من السذاجة لدرجة اني صدق انو الاخوان بيمثلوا الاسلام بسوريا , هني برايي كانو قبل 1963 حزب صغير كان يمثل فئة معينة من اهل المدن وحتى اللي صار باحداث الثمانينات وتمثل بدعم فئات معينة من الشعب الن كان سببو كره النظام الحاكم ومو محبة بالاخوان
النقطه التانيه ماحدا عم ينادي بإقصاء الإخوان عن النسيج الوطني السوري وإنما المناداة عم تكون بالإقصاء للفكر التكفيري للإخوان ورفض الأخر ويلي هو الفكر الإقصائي بحد ذاته... ومتل مابتعرف بالفترة الأخيرة الإخوان مخففين من اللهجة التصعيدية ومن خطاب الإلغاء وهالشي خطوة على الطريق الصحيح...
انا هدا اللي عم حاول قولوا, خيو انا بشوف انو الاخوان تنظيم سياسي فاشل بدل ما تقصين وتخلين فعلا يفكروا انو هني بيمثلوا الشعب السوري متل ما عم يدعوا بوسائل اعلامن خلين يرجعوا و خلي صندوق الاقتراع هو الحكم
النقطه التالته وبالعوده لظهور الإخوان بالأربعينات وبدراسة بسيطة للطرق يلي إعتمدوها بفرض أفكارون منشوف انو أغلب هالطرق كانت طرق عنيفة.. هاد طبعاً إذا ماحكينا عن الجماعات يلي اتبنت فكر الإخوان وطورته سلبياً بحيث كانت عم تحاول تفرض أفكارها بالإجرام...
برجع بقول كان في فرق كبير بين مواقف الاخوان قبل وبعد 1963
ببساطه الشعب عنده تخوف من الإخوان بسبب تاريخون يلي شابه الكثير من الأخطاء الدموية "أحياناً" وبغض النظر عن الأسباب والمبررات... واذا قدرو الإخوان يثبتوا انو هنن غيرو هالنهج الرادياكالي بالتعامل صدقني ماحدا بيكون إلو مشكل معون. |
معك انو جزء كبير من الشعب عندو تخوف من الاخوان بسبب جرائم كتير ارتكبوها بس مو غريب شلون هالشعب ما عتدو تخوف من الطرف التاني بالاجرام , الطرف اللي ارتكب جرائم اكتر من جرائم الاخوان بكتير