اقتباس:
كاتب النص الأصلي : syrian 1st
احمدوا ربكن وخفوا عهالبلد يا جماعة ,والله الحرية مصيبةمع هيك شعب ,مو ناقصنا نصير متل لبنان (مع احرامي الكبير للبنانية) بس الحرية عندن ساوت 3الاف جبهة ضد التقسيم وعطت الحق لكل مواطن بتسكير الطرقات ولنزلة عالشارع بالسلاح بدون ما حدا يقدر يقلوا مااحلا الكحل بعينك
|
اي قلتلي الحرية مصيبة, شلون بقى؟؟ طيب برايك ايمتى اخر حرب اهلية بسوريا كانت ؟ ايمتى كان الشعب بسوريا متل لبنان؟؟ هيك قدامك التاريخ من 1918 ل 1963 بحبش وردلي خبر.
الحرية شيئ سامي لايمكن تكون مصيبة , لانو اي تقدم حقيقي باي مجال لا يمكن يتم من دون حرية .
اقتباس:
كاتب النص الأصلي : syrian 1st
القمع اذاكان موجود متل ما عمتقول فهو ضروري كتير لانو اللي ما بيردعوا حب البلد بدو ردع بالصرامي .
.
|
نعم؟؟ شلون يعني يردعوا حب البلد؟؟ ليش دخلك القمع موجه للي ما بحبو البلد ولا للي ما بحبو بشار الاسد؟؟
بعدين ما في حدا ما بحب بلدو وحب البلد ما بدو صرماية, الا اذا كنت رابط حب البلد بحب الرئيس.
اقتباس:
كاتب النص الأصلي : syrian 1st
ومنشان برودة الحدود فهاد اكبر نصر انك قدران توقف (اسرائيل) عندحدا وتمنعها انوتتمقطع فيك كل ما اجا عبالو باراك يصيد بني ادمين متل ماكان صير من زمان .
ولا تنسى التجهيز السوري العسكري لاي حرب (اوتحريك للبقعة التاسعةمتل ما عمتقول).
.
|
اي دخيل الله على هالانتصار المبهدل , شو انت مانك سمعان بغارة دير الزور؟؟ بالطلعات الاسرائيلية فوق اللاذقية ب اغتيال عماد مغنية, بغارة عين صاحب , وهدا الشي اللي سمعنا في وما خفي اعظم , بقى شلون اسرائيل ما عم تتمقطع فينا؟؟ اي يا زلمة لبنان اللي منضحك علي صارت اسرائيل تحسبلو حساب اكتر مننا.
برودة الحدود يامعلم اتنين مستفيدين منن, اسرائيل اللي حولت الجولان لجنة للمستوطنين و جماعة الصمود والممانعة اللي اغلاق جبهة الجولان بالنسبة الن بيشكل اهم ضامن لوجودن.
اقتباس:
كاتب النص الأصلي : syrian 1st
وعلى كل ما بقول غير انو اذا في مشاكل او منغصات فما رح تنحل باللعي الفاضي تبع دعاة الثقافة والحرية المزعومة.
|
ايوه قلتلي لعي فاضي؟؟ اللي بطالب بحقو لعي فاضي و حرية مزعومة , لك شلون بتتوقع من شعب ذليل محكوم بالصرماية متل ما حضرتك عم تطالب ينتصر باي معركة؟؟
عوجا.........