[صفر]

كاتب النص الأصلي : أم الجود

أنا ما قلت ما عندو قدرة يتحكم بعقول الناس .. أنا قلت ما بدو يتحكم بعقول الناس .. دخلك إذا بدو يتحكم بعقلك ليش ليخلقلك عقل من أصلو ؟!!! الله عطا الانسان عقل وصّلو للقمر .. و هو بهالعقل بيحدد اختياراتو !
و أنت ما قلت انو نحنا جهلا و بينضحك علينا بكلمتين قبل شوي بس هلأ ليكك عم تقول .. بعدين لا تزعل على بلدك ولا على بالك .. أصلاً المؤمنين بكل العالم موجودين مو بس ببلدك .. و بيقولوا ما بيصح إلا الصحيح و إذا معتقدك هو الصحيح فإلا ما يجي يوم و يصح ! كان جاية عبالي قلك معلش طول بالك و سلّم أمرك لربّك بس ما بتظبط
صباحك

حياتي انت قلت انو الله ماعندو ريموت كنترول يتحكم بعقول الناس ... وانا بقلك الله بالفكرة الدينية عندو هالريموت كنترول

يا ستي بدي ازعل على بلدي وعلى ولاد بلدي .... مو لانو بيآمنو بالله ... لا حياتي ... هادا شي خاص فيهم .. كل واحد يآمن يكفر ... هي حريتو الشخصية ... بس بزعل عليهم لانو بيمرقو هيك قصص وبيسحجو عليها ...

على كل ... إلا ما يجي يوم ويصح الصحيح