[الحاج متولي]

كاتب النص الأصلي : Raw

مشا الخير للكلّ ؛؛

أوّلاً بشكر الأخ متولّي على الموضوع ؛؛
وهي منـّـي لإلو أحلى ؛؛

طبعاً صحّ الموضوع مطروق جدّاً من قبل لكن استوجب الردّ بسبب بعض المتفزلكين ؛؛

يعني لفت نظري جون دارننك (اللي أظنـّـه مئلـّـع من موقع آخر) و أبي الحروف (اللي أهدأ مو أهدئ من السكون؛؛ بدّي علـّـمك لغة عربيّــة كمان؟! ) و نينوس (اللي مفكـّـر حالو صريح)

يا أعزائي لاحظت إنـّـو حضراتكن بس بهمـّـكن الاعتراض و الوقوف (سنجأ عرض)
يعني ما بدكن تقاطعوا براحتكن بس إنـّـو يطلع المقاطعة جريمة ؛؛ و الله هي سمعة جديدة

يعني صحّ الحكومات مدري شبها و مشيبة شعوبها بس هاد ما بيعني نترك أعداءنا (اللي هن اعداء شعوبنا و حكوماتنا بنفس الوئت) يسرحوا و يمرحوا على كيفهن ؛؛ يعني مو كلّ شي شغلة الحكومة ؛؛ نحنا الشعوب علينا واجبات ؛؛ بعدين شغلة هامـّـة كتير كتير ؛؛ هالحكومات اللي مو عاجبتنا دخيل الله من وين جايين يعني ؟؟ لو احتلال كنـّـا ئلنا صحّ الاحتجاج ؛؛ بس الحكومات من نفس الشعب ؛؛ يعني على أد ما بكون الشعب كويس بتكون حكومتو منيحة و العكس

هلأ شغلة إنـّـو هدول الدول عم يئدمولنا تكنولوجيا و شغلات ضروريـّـة مو سبب لإنـّـو نضلّ تابعين لإلهن ؛؛
يعني متل ما ئال واحد من الشباب (الحاجة أمّ الاختراع)
و بعدين يا أخي كيف كنـّـا عايشين وئت كان علينا حصار ؛؛ يعني نفس الحالة بدون لا استيراد و لا هم يحزنون ؛؛

أمـّـا إنــّو خلينا نكون صريحين و نئول الماكدونالدز طيبة ؛؛
يا عمّــي طيبة ؛؛ بس المخلوطة الحامضة اللي منعملها و شغل إيدينا أطيب بمليون مرّة

أمـّـا هاد المتفزلك أبو الحروف ؛؛ لمـّـا ما بكون جاي على بالك تناقش الموضوع لنهايتو لا تزتّ كلمة و ترجع لورا بعدين هيك حالة بتصير ممكن نستشهد فيها لمـّـا بدنا نشرح كيفيـّـة الانسحاب

و دمتم



®

أول إشي بحب قلك مشكوررررررررررررررر كتير على الرد الجميل ويلي بالحقيقة اخجلت به تواضعنا
وهي مني إلك
أما بالنسبة للأخوة الأعضاء التانيين فأنا من ناحيتي بحب قلهن إني بحترم رأيهن بس متل ماقلت اليوم الإعتراف بالغلط من الفضائل وبيعتبر من قمة الحضارة
مشكور ياغالي وعلى راسي إدلب وما حولها