*شكرا للتنويه بشأن الخطأ الإملائي .. (انا كثير الخطأ املائيا دون ما اذكر الأسباب الآن بس انا بشكر اي حدى بينوهلي بهال المواضيع ..)
اما بعد:
على عيني الشباب و الله .. مع انو لسا ما جاي عبالي رد ..
بـــس بدي قلك انو "الحاجة أمّ الاختراع" هاي بتجيب
(ولد غير شرعي) .. بتشوهات خلقية و يا بيعيش يا ما بيعيش .. و اذا عاش فعمرو قصير بيكون .. و بالمدرسة و بالحارة رح يضحكو عليه رفقاتو
(الأبناء الشرعيين) ، بيلاقو ريتاردد .. متخلف _ركبيّا / عقليا_ ..
اما
"الحاجة أمّ الاختراع" زوجة "العلم أبو الإختراع" من سلالة فهمان المتنور العارف انو الراص ما بينحط محل الرجلين .. هدول بيجيبو ولد نظامي.. على كيفك .. بيعيش و بيعمر.. و بيجبلنا صبيان وبنات غير شكل ..
(وكلشي وما عندك الأب هذا ما تعوّل على مولود متل الخلق.. و ما تجرب تراهن عليه.. ما )
يعني اذا حابب _إذا_ فيك تسمي ردي هذا مثلا إمعان في الفزلكة
** نلفت عنايتكم للضرورة والحاجة ..
من الأكيد ان لو رجعت على الصحراء .. نصبت خيمة ، ربيت خواريف .. رح تعيش تاكل وتشرب و تنام مع مرتك واصل الليل بالنهار .. و تعمل ولاد وخلافو .. _بعرف_
حتى لو _ما بتحب الرمل_ و رجعت عشت بالضيعة رح تقد تاكل وتشرب وتفلح بالحقلي و تزرع و تحلب البقرات .. وتجيب ولاد وتعيش حياة كريمة ظريفة بسيطة .. بـــــــــــــــــس ليش؟؟ شو الله جابرك ؟؟ مانك مضطر؟؟ ماني مضطر جرب اخترع كمبيوتر لمن في واحد بمكان ما اخترعو و عاطيني ياه بثمن بخس؟؟ ولا مضطر جرب الطب الشعبي لمن في شركات عملاقة عم تقضي السنوات بالأبحاث و تجرب الأدوية وتعطيني ياها بثمن بخس على طبق من فضا .. ولا مضطر اضرب بالرمل لمن في ناسا بتقلي الطقس بعد سني كيف شكلو .. ولا مضطر آخد مرتي تولد عند الدايي (جارتنا) لمن في مستشفى ؟؟ و لا ولا ولا .. كتيرين هدول طيف ما تطلع حواليك بتلاقيهم ؟
انا عن نفسي مش مضطر .. ابدا ، ولهيك ما رح قاطع الدول الي عم بتعلمني و تقدملي ادوية لمن امرض ، وتعطيني معونات لمن تنزل كارثة ببلدي، وتبعتلي تكنولوجيا رخيصة .. و و و
_اكيد عم يربحو هني و الأكيد عم يربحو جدا وفق نظام رأس مالي عملاق، بس انا هذا آخر همي ويربحو؟؟.. يربحو على كيفهم .. المهم عم يخدموني.. ماني متوقع تتحول شركات التكنولوجيا العملاقة لجمعيات خيرية ولا بدي ياها تتحول..
بدي ياهم يضلو عم يخدموني..
بدي ياهم يضلو عم يشتغلو ليل نهار على مدار الشهور والسنوات ، كرمال لمن يمرض ابني برمي بوشهم فرنغين و بعالجو ..
لمن حب سافر شوف بلد تاني وشعب تاني ، يبعتولي طائرة بقالهم بيطورو فيها عشرات السنوات عشرات الألاف من الأدمغة و المهندسين والعلماء.. زت بوشهم XXX$ و اركب الطيارة و بتلات اربع ساعات صير هونيك .. (انا ما بحب الجمال .. وما بحب التنقل على الجمال _بعرف العطل بيجوز مني بس هيك انا _) ...
ما عندي مشكلة حيال شو عم يربحو ، ولا شقد ولا بيهمني الموضوع .. انا شايف الصفقة رابحة .. من الموبايل الي بإيدك ب 100-200$ .. بيخليك تحكي مع اخوك بالصين، وجارك بفنزويلا، وتقعد صفقة مع الياباني بدقيقة و تبعت فاكس عرض اسعار مناقصة بكوريا بتكي ، و تشوف الي عم بيصير بسيبيريا لايف و تعرف طقس بكرا و طقس الويكند ووين تروح تاخد عيلتك مشوار... و يغنيلك وقت الي بدك ،، و يرجلك
وقت الي بدك .. انا شايف الصفقة رابحة جدا وشايف اني ضحكان عليهم لمن عم باخد كل هال المميزات وكل هال الخواص و التسهيلات بحياتي مقابل 100-200$.. (ومتلو الكمبيوتر والتلفون والدش و المايكرويف و و و و
الأهم من هذا ما سيأتي غدا مين كان متخيل انو رح يجي جهاز اسمو كمبيوتر يعمل الي عم يعملو هلق؟؟ ولا شي اسمو دش.. ولا ولا .. ولمن اجت هال الأجهزة ما حدى قدر يستغني عنها وكلنا ركدنا وجبناها ، ما مستعد راهن على عدم حصولي على اشياء بكرا رح يخترعها الغرب وانا بحاجة ليها ..)
كيف ما تتطلع حواليك كيف ماكان ما رح بتلاقي غير اشياء الغرب مخترعها و الغرب عاملها و الغرب بعتلك ياها على طبق من فضة .. وصدق بتمن بخس بصفقة انت الكسبان فيها (ولو ماكنت انت الكسبان ما كنت دخلتها وما كنت اشتريت الغرض هذا )
الموبايل الغرب عاملو
والكمبيوتر الغرب عاملو
والبرامج الي على الكمبيوتر الغرب عاملهم
والقلم الي بتكتب فيه الغرب عاملو
والدفتر الي بتكتب عليه الورق تبعو الغرب باعتلك عجينتو
وفرشاية سنانك الغرب اخترعها والغرب صنعها لتستعيض عن المسواك بيها
والسيارة المركوني تحت الغرب عاملها
والباص البتروح فيه الغرب عاملو
والطيارة ..
والساعة الي بإيدك ..
وجهاز تخطيط القلب لمن تمرض
وجهاز قياس الضغط لجدتك ..
وجهاز تصوير الأشعة اكس، والرنين ، والطبقي محوري، والمعالجة بالأشعة ..
الأدوية الي بخزانتك مركبينها ببلدك بس مكوناتها من الغرب و الغرب قلهم النسب وهني فقط عم بيقلدو و يطبقو كتيب التشغيل ..
اذا مستعد تستغني عن كل شي كل شيئ حواليك من هدول .. فقاطع المنتج الغربي و صلي تينهار الغرب و تتطربق فوق راصهم و يموتو كلهم بالبحر..
أخيرا .. يا سيدي.. بالعودة للحاجة الي ام الإختراع هاي ..
نحن العرب مثلا اليوم نزلنا على الأرض؟؟ .. اكيد لاء .. احنا هون موجودين اقدم بكتيييييييييييييير من الغرب وخاصة خاصة اميركا هاي..
طيب ما كان عنّا هاي الحاجات ؟؟ كان عنا الحاجات نفسها الي كانت عندهم ..
كنّا بحاجة لوسيلة نقل .. بس لا اخترعنا السفن ، ولا الطيارات ولا السيارات ولا البسكليت حتى ؟؟
كنّا بحاجة لأدوية .. بس لا اخترعنا ادوية جديدة ولا ابتعدنا شيئ على طول 1500 سنة .. كنا على الحجامة والطب الشرعي وشوية الأعشاب الي شافين حالنا فيهم و مستغربين كيف .. كيف هال الناس عم بتموت؟؟
كنا بحاجة لوسيلة تخاطب .. وضلينا لعشرات القرون شغالين بالحمام الزاجل.. لبعتلونا الكهربا والتلفزيون والتلفون والراديو .. وغيراتون ..
الي عم قولو .. انو جربنا نفسنا تحت بند "الحاجة والإختراع" وفشلنا .. مع أنا كنا بحاجة لكل شيئ عنا ياه اليوم .. وما بيوم اخترعنا شيئ منه ؟؟ ولا فكرنا حتى .. اساسا ليش تنفكر ..؟
احنا مشغولين بمعادات الغرب .. ما عنا وقت نفكر بشيئ هال الكام قرن تركونا مركزين بالحرب تبعنا على الغرب هلق ..
تركونا نشوف كيف بدنا نتخلص من هال المؤامرة الي عم بيحيكوها الغرب لياخدو جواهرنا المكنونة و دررنا المصوني .. من قرون وقرون ..
احنا فاضيين نخترع بيشرفك !!!!!!!!!
فائق الإحترام
أقوى من الشدة، و أطول من المدة و أهدأ من السكون و أحد من السين و اسرع من لمح العين .. ، يصحح لك ما خرب خربوط الذي حول ال بطل الى بصل ، وال لحم الى فحم ...