[الحاج متولي]

حبيبي أبي الحروف :
أنا مو قصدي إني نحنة نعادي الغرب كلوا لآ
أنا قصدي إني نحنة نقاطع الشركات يلي عم تساعد الدول المعادية يلي عم بتنتهك أرض العرب وعروبتهن ....هادا أولاً
تاني شي يا غالي إذا إنته الله عاطيك ورازقك من واسع رزقوا فلازم تعرف إني هادا الشي إذا راح منك مارح يقدملك حدى هالخدمات وإذا دامت إلك فمن الممكن إنها ما تدوم لغيرك أو لإبنك ....ولازم دائماً تحط بعين الإعتبار إني لو فرضنا الغرب رفض إنوا يدعمك بالتقنيات يلي إنته عم تتمتع فيها ...شو رح يصير
يعني كمثال بسيط
إنته إذا جبت واحد وإستأجرتوا من أجل يعملك أكل وينضفلك البيت ويقوم بكل أعمال المكتب والمنزل و يقرا ويكتب عنك وإنته تعلمت عليه من و إنته صغير شو رح يصير فيك إذا تركك وإستغنى عن الفلوس يلي إنته معك أو لا سمح الله فلست .....شو رح تعمل ؟؟؟؟
رح تلاقي حالك إنسان جاهل بإمور الحياة وجاهل بكل شيئ.....ولكن لو كنت متمكن من حالك و بتعرف كل هالإمور رح تتعزب شوي بس صدقني رح يكون حالك أفضل بكتير من إذا كنت مابتعرف شي
رح قدملك كمان مثال :
الرئيس جمال عبد الناصر وقت يلي فكر إنوا يأمم القناة ...قناة السويس يلي حفرها ومات فيها آلاف المصريين وإجت بريطانيا صارت تاخد تعب العمال و الشعب المصري على حساب واحد كان كل هموا إنوا يقعد ويأمر هادا يصرف أموال الشعب المصري من أجل حفلات سكر وعربدة وقمار (حاكم مصر قبل الثورة) وقت يلي كانوا عم بيشلحوا مصرياتوا بموائد القمار وكانوا عاملين حالهن إني هنن تحت أمروا وخدمتوا أول شي عملوا إستغنوا عنواوقت يلي حسوا إني مابقالوا سلطة وأموالوا هيك إضطر إنوا يبيعهن قناة السويس بابخس الأتمان وبفلوسوا يلي خسرها .....
وقتها الكل وقف بوجه جمال عبد الناصر وقلوا إني مافي حدا عندوا الخبرة إنوا يدير القناة ,.و...و....و..
بس هو صمم إني لازم يكون أصحاب القناة هم الشعب المصري......ويلي حفر ممكن إني يتعلم كيف يدير القناة
وقت يلي فكر إني يبني السد العالي امريكا عرضت تقنياتها و مساعدتها للمشروع تقنياً ومادياً ولمى ضغطت عليها إسرائيل إنها تنسحب من المشروع فكروا إني المشروع مستحيل يتنفذ محلياً ولكن العزيمة و الإصرار و التصميم ساعد الشعب على إنوا يجتاز هالمرحلة و إكتشفوا إني العلم هو أقوى من أي شيئ في الدنيا
صدقني يا أخي إني الغرب لمى عم بيقدملك كل شيئ إنته مفتكروا رخيص فهادا لسببين
1- لحتى يخليك دائماً معتمد عليهن وعلى صادراتهن ويخليك ما تفكر إنك تعرف كيف هادا الشئ عم يتصنع و ما تفكر إني هو عم بيقدملك إياها بأبخس الأتمان لا بالعكس هو عم بيقدمها بالغالي كتير ....هو بالعكس عم ياخد منك المواد الأولية ( البترول مثلاً)بأبخس الأتمان وعم يرجع يبيعك مشتقاتها بالغالي
الكل بيعرف إني الصين حالياً ماسكة إقتصاد العالم وكتير من الشركات الأوربية و الأميركية أعلنت إفلاسها ....بتعرف ليش.....لأني الغرب كان في يوم من الأيام محتكر كتير صناعات وتعود على الارباح الفاحشة لحتى يعيش عيشة أروستقراطية ويقدر يطور أسلحتوا وعلموا ....بس الصين بعد ما تمكنت من حالها و خلت شعبها ينتج ويعتمد على نفسوا صارت الحكومة الصينة اليوم عندها مخزون من الدولار أقوى من أمريكا نفسها ولعلمك أمريكا من أكتر من خمس سنين عم بتحاول بشتى الوسائل إني العملة الصينية تصير بسعر الدولار ولكن الصين ترفض رفضاً تاماً
هل تعتقد بأن أمريكا غبية لكي تطلب هاذا الطلب ...بالتأكيد لا ولكن أمريكا تعلم بأن سعر الين الصيني لو أصبح بسعر الدولار لن تستطيع أن تنافس الأسعار الأوربية ( لن أدخل بتفاصيل هذا الموضوع ولكنني سوف أشرحه فيما بعد في الإقتصاد)
أخيراً وليس آخراً في متل بيقول :
يلي بيعتمد على تبع جارتوا ....مابيجي ولاد
تحياتي
الحاج متولي