اقتباس:
كاتب النص الأصلي : salemabdo
بعد حذف كل مشاركاتي السابقة بحجة ان مجرد التكلم بالمسيحيات ممنوع وبعد نوبات هيستريا الجنون والضياع الذي اصاب المسيحيين نتيجة لأسئلة بسيطة في دينهم, اطلب من الاخوة المسيحيين مشرفين واعضاء توضيح مالمواضيع الدينية التي يسمح التكلم بها
يعني اعطوني شوية امثلة بس وممنون شواربكم.
|
مرحبا جميعا
بالرد على متن الموضوع المشاركة الأولى
1- بالوقت الحالي لا يوجد قسم لحوار الأديان في اخوية .. (كان في قسم لهذا كان الهدف منه البحث في التقارب و النقاش في الخلوص لنقاط تقارب و تشارك تساعد في معرفة/ فهم الآخر كآخر ، فهم موقف الآخر "الشريك القصري" في الوطن .. و لمن تعرف الآخر تفهم الآخر ، بيصير من اليسير تطبيق "العيش المشترك" ..
انت شريكي بالوطن والمواطنة، (لا انا اخترت الشراكة هذه ولا انت اخترت ، ولا لك ولا لي في تغيير واقع الحال هذا باع).. يبقى خيار استراتيجي هون يكون في اسلوب "عيش مشترك" بناتنا ، هذا بالصالح الجماعي الي بينعكس عليك .. وعليي.. هلق اذا انت ما بتعرفني او انا ما بعرفك .. فرح بنضلنا نطناطح ، ليوم النطح الكبير رح نفضل عم نطناطح .. قلنا اخي خلينا نتعارف على بعض نبحث في نقاط التلاقي .. و ننظر كل للآخر انطلاقا منها .. هيك منقعد نعيش سويا بالموطن ، كشركاء..
** من الجدير بالذكر انّا لا نبحث في التعايش( ما بدنا ياك تتعايش معو ، و معو ما بدنا ياه يتعايش معك )من حيث ما بينفع هذا التعايش ، ما بينفع .. من حيث لا بينفع و لا هوي مهم انو ينفع بشي ..
(A الجماعة الي عم تلعب بأصابيع رجليها و تحك لحاها ، ما مطلوب منها تتعايش مع B الي عم تلعب بال DNA وتحك المستقبل... بس العيش المشترك يعني ، A تلعب بأصابيع رجليها للصبح .. ما حدى بيحكي معها شي ، طالما ما رح تحط رجليها بخلقة B و بدورها B تلعب بال DNA للصبح ، طالما ما رح تستخدم A كفئران تجارب..) هذا كل الموضوع وهذا كل المطلوب .. شغلة بسيطة .. ما حدى ينط فوق التاني و يبيض عليه و يعمل واق واق واق و يفكر حالو نهنوف ..........
كل الي عم نبحث بيه هو ، العيش المشترك (دون التعايش) ..
(وما سبق ينطلي على كل المواضيع من هذا النمط و هذا السياق _سياق مواضيع التناطح_)
2- بالنسبة لأقسام الدينية و الروحية والمفتوح والمسكر فيهم ، منغير اعادة فتح نقاش بالموضوع تم مناقشة الموضوع لعشراااااات المرات سابقا راجع(و) قسم البريد _مواضيع قديمة اكثر من 6 اشهر .._
3- حضرة صاحب الموضوع ك "سبامر" عم بيحط الموضوع بعدة اقسام عشرات المرات مش مرحب فيك هون، كعضو ملتزم بأعراف اخوية العامة ، اهلا وسهلا ،
اخيرا ، الي بأخوية كرمال "إحقاق الحق" مسيحي كان او مسلم، ملحد او علماني، لحظه العاثر رح يكتشف ان الجدران هنا من النوع المصاص.. بتخلي الأصوات من نوع (بأبي و أمي يا ... بدمي افديك يا .. وما اليه ) بيتخامد .. _ ما بيرد الصدى _
...و مقام سيدي خالد ، ومارليان (شفعاتك يا مارليان) و الجامع النوري و ام الزنار.. ما رح غير يشوه صورة مين داخل يحسن صورتون.. عن تجربة (ما كنت مهتم جربها عم بحكيك هال الحكي..)
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !