الليبيرالية متل ما ابتدت تظهر بأواخر الأربعينات ك ردة فعل على التيارات العقائدية و الشمولية كمان اليوم بعد ستين سنة لساتها بتستمد حيويتها من وقوفها بوجه التيارات و الأفكار هي ,,,يعني اذا منستبعد الرأسمالية من الأئحة المذكورة بأول الموضوع ( لأنو بتتقاطع معها على المستوى الأقتصادي من حيث تبنيها لمفهوم التجارة الحرة و الأقتصاد المبني على السوق المفتوحة ) ..الليبرالية بالدرجة الأولى هي ردة فعل ضد ما تبقى من عناصر اللأئحة ..و الشيوعية ابرزهم ,,بالأضافة للفكر اليميني القومي و الحكم الشمولي و الديني بكافة اطيافو ...
الديمقراطية و الحريات الفردية و حقوق الأنسان و سلطة القانون و المساواة و الأستيعاب Tolerance ( مثلا استيعاب المثليين جنسيا ,,الأعراق المختلفة ..القوميات و الأقليات ) و العدالة الأجتماعية الأضافة متل ما قلت تبنيها لنظم اقتصادي بيستند على سياسة الأسواق المفتوحة ,,,هدون كلون الف باء الأبجدية الليبرالية ..و بشوف انو بزمنا هاد ,,الليبرالية هي انسب شي ,,و هاد شي واضح من خلال القضايا يلي بتتبناها الأحزاب الليبرالية متل محاربة الفقر ,,ايقاف التدهور المناخي ..و ايقاف انتشار الأسلحة النووية ...بس الهدف الأول لليبرالية هي الوقوف بوجه الفكر العقائدي المتطرف يمينا و يسارا ...و الوقوف بوجه الديكتاتوريات و الحكم الشمولي
يمكن يشوف العرب انو الليبرالية الغربية ما كتير اعطت اهتمام لقضاياهون متل اهتمامها بوقف التمييز ضد المثليين ..او اهتمامها بالسماح بالأجهاض مثلا ...لأ ,,,بالعكس ,,الشرق الأوسط و النزاع العربي الأسرائيلي كان دايما من اهم قضاياها ,,,و دايما شفنا دور الحزب الديمقراطي الأمريكي بمحاولة لعب دور مهم للوصول لسلام عادل بالمنطقة ...
مع اني بشوف انو الأفكار الليبرالية صعب ترويجا بمجتمعات محافظة متل مجتمعنا السوري ...بس بشوف انو عالمدى الطويل جدا ,,,رح تكون الليبرالية الضمان الأنسب لأستمرار مسيرة مجتمع متعدد الطوائف و العقائد متل سوريا
That is not Dead which Can Eternal Lie And With Strange Aeons even Death may Die
لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي
Who Sacrifices The Social Liberties For The National Security Deserves Neither
|