[نيرفانا]

[quote=chefadi;560944]

مرحبا نيرفانا و الحقيقة موضوع مهم ,,,,
بدي احكي شي من واقعنا و واقع الاعتقال السياسي بسوريا على اعتيار اني بعرف كتير ناس من هاد الجووو
1 - مرحلة قبل الاعتقال و اللي هيي بيكون هاد المعتقل متخفي و قد يمتد هذا التخفي لمدة طويلة (في ناس ضلوا بهي المرحلة اكتر من خمس سنين) و طبعا اللي ميز هب المرحلة هيي التخبطات الكبيرة اللي كان عم يعيشها النظام بهداك الوقت (فترة اواخر السبعينات و حتى نهاية التمانينات) ووصلت القصة لكم كبير من التهديد متل التهديد باختطاف عوائل المعتقلين كرهائن و طبعا كان في معتقلين قياديين باحزابون و حركاتون كان مطلوب رؤوسهم (يعني بدون ياه حيّا او ميتا ) ,,,
2 - مرحلة الاعتقال و التعذيب و السجون السيئة الذكر اللي مابدي احكي عنها لأنو كل العالم صارت بتعرف شو هيي و شو الممارسات اللي كانت فيّا (طبعا للأخ اللي حكا عن سجن صيدنايا اي مزبوط صيدنايا اهون بكتير من غيرها بس ماحدا من هدون العالم اللي قعدوا بصيدنايا ما قضى كم سنة بتدمر او بالمزة العسكري و غيرو .... )
3- مرحلة بعد الاعتقال و اللي هو لبّ الموضوع : أكيد العتقلين السياسيين مانون مواطنين درجة اولى و طبعا يلي قريان المرافعات و الاحكام تبعون بيشوف انو باحكامون حكم ينص على التجريد من الحقوق المدنية و هذا يعني انو ماعندو كل حقوق المواطن (فيما بعد سقط هذا الحكم عن البعض و بقي على البعض الاخر) و كنتيجة لهاد الشي المجتمع المكبوت و الخائف و الزحفطوني عم يخاف و يرفض يتعامل معون بشكل صحي و عادي و هنن بالحقيقة (و هاد رأيي ) صفوة المثقفين السوريين و خصوصا اللي ضلوا بسوريا بعد اعتقال مرير و طويل ,,, و إذا منلاحظ انو الغالبية منون اصبحوا من العاملين بالمجال الثقافي (الخاص طبعا لأنو الدولة نبذتون ) من كتاب و ادباء و شعراء ,,,,,,
حيّاكون ,,,,
و تحية لنيرفانا ,,,

كل يللي حكيتو chefadi بدل على إنو المعتقل عم ينتقل من معتقل لمعتقل وأكيد هاد الكلام مو مختلفين علي والمراحل يللي بمر فيها هاد المعتقل أحقر ما في الأمرسواء قبل الاعتقال أو بعدو...لكن يللي لفتني أكتر لما حكيت إنو الغالبية منن أصبحو أدباء.....وهاد الشي خلاني اتزكر اضطهادن حتى على بهاد المجال
لاحظ معي chefadi انو حتى الرواية اللي بيكتبها واحد من هؤلاء عم تنمع من النشر وإن حاول ونشرها عم ترجع تنلم وتختفي و عم يتعاقب يللي بيتناول كتاباتن ويتعرض للمسائلة....لأنو أغلب المعتقلين بيكتبو عن تجربتن بالمعتقل والظروف السيئة يللي مرو فيها.
اسمحلي بادلك التحيةchefadi وأشكرك على مشاركتك معي