يالله لا حدا يحكي على الشام..لك يلي بيقول مغرب وهوة بالبلد لأنو ما بيعرف شو هية الغربة من جد..الغربة شعور قاسي ما بينوصف و لا بينعرف غير لما يتجرب..المغرب بينحسد على المال..بس بنفس الوقت بيكون خسر مية شغلة من حياتو ببلدو...قلولي يلي عايشين بالبلد فيكون ما تشوفو عجقة هالناس بالشارع؟..بتتخيلو الشارع فاضي تماما..فيكون ما تشوفو الناس بتسلم على بعضا و كل واحد ماشي بحالو..ولا حتى بتتعبر بابتسامة؟ و وقت الواحد بيتوجع بيلاقي مية زلمة يساعدو؟..فيكون تتخيلو البلد بدون نخوة؟..وقت البنت بيصرلا شي في مية شب يحامي عنا؟؟ فيكون ما تسمعو أغاني العيد و لا أغاني رمضان و ما تشوفو الناعم عم ينباع بالطريق ولا الناس اللي ماشية و طاير عقلا بالمعروك فيكون تعيشو بدون عجقة السوق..و تحسو بفرحة الناس و الولاد..إذا بتعيشو بدون أصغر هالشغلات بتكونو بتقدرو تعيشو بالغربة
|