ايييه زكرني هالموضوع بشغلات ..
أول شي بدي قوله يلي ما جرب ما رح يصدق أنو بتتحرك ..أنا ما بصدق كنت بهيك أشياء أو قصص ولهيك بعذر كل مين ما جرب أنو ما يصدق
رفقاتي جربوها للعبة وحكولي أنو مزبوط بتكتب أشيا صحيحة ..حتى أنو أوقات بيسألوها أشيا عن المستقبل وبس تجاوب بقولوها أكيد هالشي بتجاوب لأ
بقى مرة جربناها سوا نحن التلاته ولما سألوها عني حكتلي عن شي بالمستقبل كتير بيزعج وفيو موت وهيك شغلات وكتبت أسماء أشخاص بعرفهن من برا سورية (من السفر) ..أنا بصراحة انزعجت شوي ..فسألوها رفقاتي متأكدة قالت (i am playing with you(
وهون أنا حقدت عليها الحقد العجيب وماعد سألتها عني شي ..ورفقاتي كملو شوي بعدين ملينا وصرفناها
هلأ هيي بتقول عن حالها أنها روح ,,وكل مرة بتجي بروح أشخاص مختلفين وبتقلنا عنهن
أنا عن حالي حتى بعد ما جربتها ما فيي أجزم شو هو الشي يلي عم يحركها بس الأكيد أنو مو نحنا وهيي عم تتحرك لحالها ..
يمكن تكون طاقة معينة ..باعتبار كل شي بالدنية طاقة _برأيي_
بس بصراحة يلي بدو يلعبها بدو ياخد القصة ببياخة وما يحملها أكتر مما بتستاهل لأن ازا بدو يبلش يفكر شو هاد ؟ وبلكي جن ووو ..رح يرتعب وبجوز يصير متل ما قلت
بس أنو تسالي مو أكتر
وحتى لو كانت جن أو طاقة أو روح أنو عادي ..هيي ما بتقدر غير أنو تتحرك لتجاوبك ,,وأنت حر بدك تصدق بدك لأ
