اقتباس:
كاتب النص الأصلي : TheLight
اولا...اللجنة بتعرف انو انا كانت مشاركتي بهدف اهداء الصورة لكريم وكانت المسابقة فرصتي....وضمن اطار الزمان والمكان...وكون المسابقة كانت ع ذكرى مرور عامين اعتقال كريم...فكان الزمان مناسب لاهداء الصورة...ورغم معرفتي من البداية انها ليس لها اي فرصة للربح على اعتبار ان الشروط بتمنع تغير ابعاد الصورة..رغم هالشي اصريت اني اشارك فيها بهالشكل وتمسكت بجملة الى كريم...وهاد الشي بتعرفه ذا مورنينغ....
|
ما بعتقد انه في حدا من الأعضاء طمعان بربح جائزة الاجازة لماليزيا أو العشاء الفاخر بمطعم الشيراتون او بقية الجوائز النقدية اللي رح تتوزع على المتسابقين
الكل عم يشارك بهدف المشاركة والتفاعل مع الموضوع
وبالاذن من محمد ابراهيم رح اذكر جزء من حوار خاص صار بيناتنا اول ما نزل اعلان المسابقة
قلي فيه " انا رح شارك بالمسابقة حتى لو بصورة من أغبى ما يكون .. المهم عم نشارك بمسابقة على شرف كريم "
وبعتقد انه في كتير اشخاص شاركوا بهلهدف بس القصة مانها شاعرية متل ما انت مصورها
اقتباس:
|
انطلاقا من هذه النقطة....دخولي على هالموضوع والرد فيه والموضوع يللي انحط بالبريد هو فقط لاني رأيت من واجبي ومن رغبتي اني دافع عن صورتي وارفض وحتى اني اثبت ان الصورة الاساسية لم تغير ابدا...بمعتى ان الاضاءة والسواد الموجود بالصورة حوالين الشمعة هي امور تم الشغل عليها تقنيا بالكاميرا فقط واعتبر انه انتقاص مني كشخص الو مراق بالتصوير وبيشتغل ع هالهوابة بشكل جدي ان يتم القول انو الصورة تم استخدام الفوتوشوب فيها لاظهارها كما ظهرت...
|
لكل مسابقة شروط وصورتك مانها ضمن الشروط ومالازم تنقبل ، ما بعرف اذا الحكي هاد بهين شرفك الهواياتي ( على وزن المهني كون التصوير متل مانك قايل بالنسبة الك هواية وليست مهنة
) او بيجرحلك غشائك الفني الشفاف حتى تعتبره حكي شخصي واتطالب الناس باعتذار عن الاهانة اللي فيه
رح تقلي انه اضافات طفيفة واطارات خارجية .. خيو تعا لئلك
انا زلمة دب بالفوتوشوب
ما عم امزح دب ناظمي يعني الهيدر اللي بمدونتي ما عرفت أصممه مع أنه الاطار جاهز مع التيمبلت ومو مطلوب مني غير حط صورة مناسبة .. ومع هلشي ما عرفت أعمله وطلبت من جيمي يعملي ياه
مع هلشي عندك 24 صورة بالمسابقة نقي ايا وحدة منها وقلي يا أبو طوني عدلي عليها فوتوشبيا دون التأثير بعناصرها الاساسية (
فعلا مضحكة هلفكرة تبع العناصر الداخلية والقوى الخارجية الله يسترنا من شي سفارة رياضية مع الأيام
) ورح اتركلك باب المقارنة بين الصورة قبل التعديل وبعد التعديل
شو رأيك ؟
اقتباس:
|
اذا بترجع بتقرا ردي السابق بتشوف اني طالبتك باعتذار اذا كنت بتقصد ان الفوتوشوب هو مستخدم لتعديل عناصر الصورة الداخلية...وماطلبتك باعتذار اذا كان قصدك شي اخر (الاطار او التوقيع)
|
صار واضح الاعتراض على شو مبني
اقتباس:
بظن ان الموضوع هون مفتوح لمناقشة امور المسابقة وليس لتعليمي اداب الحديث او طريقة كلامي...
|
ما عم علمك آداب الحديث .. كلك زوق وفهم
بس جمل متل :
الصورة هيك ....حبك اهلا وسهلا...ما حبك...اسطفل (بدون تسمية او استقصاد)....
هي نحن وهي صورنا وهي نوعيتنا....شيل او اترك من ايدك....
بعرف انك مو قدران تصدق....بقا تصور يا عزيزي..
انو ليش لسى ما شلت حجرة وقلعتلي عيني انو فيها فوتوشوب....شيلها والله شيلها
فهي كمان من ناحية تانية بتسرني...وبتسعدني لانها اعتراف انو تصوير هالصورة اكبر من قدراتك واعتراف ع قوة الصورة واللقطة....
الغريب انك عم اتطالب العالم تحترم الجانب الفني لعملك ومانك قادر على الحكي باحترام مع العالم .
اقتباس:
بعتقد ان ترشيح اللجنة هو خيار اعضائها بمحض ارادتهم..وماني مطالب بتوجيه اي اعتذار...وطبعا ترشيحهم لصورتي هو شي بعتز فيه وبشكرهم جدا عليه...واذا عندك اصرار تحصل على اعتذار فروح طالب اللجنة...هني ممكن يفيدوك...ولو اني بشك بالموضوع....
سلامات
|
انا من جهتي اللي بدي قوله قلته
وبما أن التجربة أثبتت بأن المي في حال دقها لمدة ساعة وتلاتو تلاتين دقيقة رح تبقى مي
فما عاد عندي شي أكتبه
ويعطيكن العافية