[اممي]

كاتب النص الأصلي : متشائل

البركة فى بشار تبعك ... على فكرة ابو عمار النا كفلسطينين زى (ماو) فى الصين زى (ديغول ) فى فرنسا زى (عبد الناصر ) فى مصر ... يعنى التطاول على الذات الالهية أقل شأنا بالنسبة لنا كفلسطينين من التطاول على مفجر الثورة الفلسطينية ورمزها يعنى صحيح كان له كتير اخطاء سياسية فى حياته (االمفاوضات ليست منها )) لكن ذلك لا يعنى ان نسمح لأنصاف الرجال التطاول عليه خاصة من النظام السورى الذى لم يطلق طلقة على اسرائيل منذ ال67 فما تنظروا علينا فى المقاومة غن أردتم ان تقاوموا فجبهة الجولان مفتوحة لكن لا تقاوموا بدماء أبناء غزة وبيروت وبغداد .... فى سورية تكرهون ياسر عرفات لإنه رفض وضع القرار الوطنى الفلسطينى المستقل فى جيب (حافظ وابنه) فى المقابل تمجدون تطرف وإجرام حماس لانها باعت نفسها لبشار ونجاد ... ...

خدو بحنانك وبلا هالاسلوب
ماضيع قضيتك غير هالفكر المريض
من لما كانت هالفصائل تقاتل كلها ككتله ضد الصهيوني قلبت بمعيه امثالك لتهبش بعضها وماشالله مكفيين لليوم
لدرجة ان الفتحاوي مستعد يحط ايدو بايد الصهيوني ليدبح الحمساوي والاخير بس بتصح بايدو بدو يقلبها اماره اسلاميه
ابو عمار منو الله وبالتالي لاي حدا الحق ان ينتقد رغم ان قتال في بيروت كان مشرف وعملياتو بالسبعينيات كانت موجعة للاسرائيلي بس هاد مابينعني ان الرجل ما غلط
ليك من بعد ماخسر ورقة صدام حسين بعد حرب الخليج التانيه ودعم الخليج معها قرر يقلب الملفات كلها ويعمل مفاوضات باسم الشعب الفلسطيني قدم فيها كلشي بدون مقابل
اتفاقية اوسلو مابتضمن لا حق العوده ولا القدس ولا اي حقوق واضحة للدوله الي بعد 20 سنه من توقيع الاتفاق ما صارت!!!
بالنهايه هات ياسيدي قلي شو الي صفا
ان اكثر من اتفاقيه سلام وعملتو وخارطة طريق وعملتو والشرطة الفلسطينيه صارت خط دفاع متقدم للجيش الاسرائلي وشو طلعلنا من كل هالقصة؟
20 سنة ولا صار لادولة ولا سلام
وكل الي حصلنا عليه اقتتال داخلي واخوة عم تشتم بعض وين ما راحو وين ما اجو لدرجة ان صارت هوايه
بتودي بصاحبها ليفوت علي موقع يسب فيه سياسه بلدها ومواقفها (كاخر بلد عربي مابيعترف بهالكيان الفلته) بس لان في شب حكا ان ابو عمار غلط... قبل كان بدنا سلاح لنحرر فلسطين
اليوم بدنا دكاترة نفسين لتحل هالعقد الي بهالنفسيات