[LiOnHeArT.3LA2]

كاتب النص الأصلي : سوا ربينا

مسا الخير علاء برحب فيك مايسترو للحلقة التالتة ..
هلأ فقرة الانا..

اهلا مثنى .. و 100 وردة و50 زيادة مشان تروق علينا

علاء صرلك باخوية تقريبا سنتين شو اخدو منك هالسنتين وشو اعطوك؟ وهل ممكن مع الايام تعتبرهن سنين بس لتضيع وقت؟

بالنسبة .. لشو أخدو منّك ..
فينك تقول ما أخدو شي .. ابدا .. لأنو انا اوريدي طول وقتي عالنت ..
شو عطوني ..
عطوني كتير شغلات ..
عطوني رفقة ..
عطوني ناس طيبين ..
عطوني اساليب حوار..كتير كتير منها المنيح .. واللي بزعل اني ما بقدر كون هيك ..
ومنها البشع .. وبنبسط .. لأنو بلاقي انو في حدا اجحش مني

بالنسبة لفكرة تضييع الوقت ..
ابدا لأ ..
يمكن كل شي عم بعملو بحياتي .. هوي حسب المفهوم العامي لكلمة " تضييع وقت " .. هوي تضييع وقت
بس انا بآمن بشغلة ..
انو ما في شي .. ممكن يكون تضييع وقت ..
كل شي ... بالمجمل .. وشو ما كان .. مستحيل يكون تضييع وقت ..
مستحيل ازعل عليه .. ومستحيل اندم عليه ..
وبنبسط لأنو ترك ذكرى .. مهما كان نوع الذكرى

بهالسنتين اي سنة كانت بالنسبة الك الافضل على الصعيد الشخصي ؟ واياها افضل على صعيد اخوية؟

على الصعيد الشخصي يا حبيبنا .. ما بعرف .. لأنو انا ما بفكر بماضي ..
وما بحب اتذكر ..
يعني كلو منيح .. و عم نتنفس .. قول الله
..
على الصعيد الاخوي ..
بعتقد انو ما في ولا سنة منيحة الي ..
يعني انا بعتبر انا كأنسان .. ما عم زيد على أخوية ..
والمبدأ الاهم .. انو ما نقّص منها .. ومن قيمتها ..
هلأ على حسب ما قلّي حدا ..

انو انا بحاول ما حط تقييم للشي اللي عملتو .. وازا انجبرت .. بحط التقييم الاسوء ..
مشان يكون القادم .. افضل ..

..
لعيت كتير انا ما ؟