اقتباس:
كاتب النص الأصلي : nour333
بجوز الحياة اللي عايشينها بطريقة لا أرادية بتفرض علينا مرات نكون سطحيين او مرات بنتعلم السطحية من الاشخاص اللي بيفرض علينا مجالستهم بالحياة كزملاء العمل او الاقارب والجيران
وسطحيه بتكون في اشياء وأشياء يعني مرات بنحكم ع الامور بشكل سطحي لأنو ما بنكون على درايه فيها وما عنا الوقت بهالزمن لهيك تعودنا ناخد كلشي ع الماشي
اما نفس الامور لو كان عنا وقت كافي كنا ما تعاملنا معها بسطحيه
يعني بعتقد السطحية مرتبطة بالزمان والمكان
|
اكيد المجتمع و المحيط اله حصـّه كبيره بـجغرافيّـه شخـصيتنا و لـكن عجبـني اللي قلتيه فيما يخص انو السطحيه تنطلق من عدم معرفتنا و اطلاعنا على الاشيـاء و الحقائق و انا بتفق معك بشكل كبير بهي النقطه .. يعني برأي فيه يـكون الشـخص سـطحي بتعامله مع أمر بيجهله و لـكن بعد اطلاعه و معرفته بالأمر بشكل جيّد قد يلجأ لانو يـصير يتعمّـق بالتفكير فيه ..
اقتباس:
كاتب النص الأصلي : عياش
بظن مشكلة السطحية مرتبطة بشكل وثيق بأمرين أولهما بنمط تربيتنا التسليمية التي لا تقبل النقاش بالمبدئيات وأساسا تعتمد على فرض الأوامر من طرف واحد على مبدأ نفذ ثم اعترض وثانيهما مناهجنا الدراسية التي أيضا تعتمد على التسليم بالحقائق والمعلومات وتخزينها دون تحليلها او نقاشها فبيطلع الولد شايف الدنيا ببعدين فقط يعني سطحي (فلاترون) وهيك بيكون مواطن صالح لأنو ما بيسأل ليش وكيف وشلون.
وزاد على الموضوع كمان عملية الانفتاح الاقتصادي والتقني يلي حولت اهتمام الناس لتقنيات وأنماط جديدة ما كانوا بيعرفوها وحصرت اهتمامون فيها.
|
ما بدي ضيف على كلامك كتير لأنو مباشر و فيّ ببـساطه وافق عليه و نرجع لنقطه انـّو عدم المعرفه و الاكتفاء بالتنفيذ الأعمى للأمور ما بخلينا نشـوف البعد التالت للأمور ..
حـكى بدري
..
كـلنا بنـهتم بالمظاهر و السطحيه ماهي فقط الاهتمام بالمظاهر .. اعتقد السطحيه كمفهوم أبعد من مجرّد كونها تهتم بالمظاهر الى انها تهتم بالـقشور أو لا تـهتم بنـوب
.. يعني فيه انسان يكون لا يهتم بالمظاهر و سـطحي بأمور أخرى .. فهي القصّه نسـبيه عرفت عليّ كيف ؟؟
اقتباس:
كاتب النص الأصلي : MadMax
من خلال خبرتي بالمحيط العربي
السطحية هيي جينات بتخلق مع البني آدم
يعني في كل بني آدم منشوفو .... لو دخلتوه السوربون و الاكسفورد مع بعض ..
و اجاه الله يعطيه دروس خصوصية ....
رح يضل سطحي
و ثقيل
|
..
مع اني لا اتفق بشكل كلّي مع هالنظريه الا انو فيّ ارجع لرد عياش سـابقا و قول يمكن نظام التربيه اللي بتفرضه الحكومات خوفا من ايجاد شـعب يلغيها هوّ سـبب كتير مهم من الأسـباب اللي بتجعل الـعرب أكثر سـطحيه من غيرهم , اذا سلمنا - فرضا - , بنظريتك ..