اقتباس:
كاتب النص الأصلي : Nasserm
يحرق دين عرض هالمتطرّفين قديشهن ولاد هيك وهيك 
ع سيرة الشو اسمو..
بهالزمانااااااااااااااات.. كان في مادة اسمها "مدخل إلى الهندسة" بيدرّسها دكتور جحش شوي..
بس رغم جحشنتو*.. بتذكرو بشغلة منيحة..
سألنا مرة بمحاضرة السؤال الذكي التالي: "شو هو الاختراع اللي صار بالقرن العشرين واستخدموه نص البشر؟"
ممممممممممممم..
ناس تقول: "السيارة"..
ناس تقول: "مكنة الحلاقة"
أنا قلت: "قلم ستيلو"
بس كل الأجوبة غلط
شو كان الجواب يا حزركن؟
السوتيان 
------------
* جحشنتو تجلّت بمحاولة إقناعي إنو في شب حلبي اخترع "محرّك دائم الحركة"..
+ بس يا دكتور.. هالشي ضد قوانين الفيزيا (بالذات قوانين الترموديناميك)
- هـء.. أنا شفت الجهاز.. وشغال وبيعطي طاقة أكتر ما بيستهلك
+ يا إستاذي الله يرضى عليك.. هاي القصة خالصة ومبرهنة استحالتها من القرن الطسطعش..
- هـء..
+ إي هـء هـء.. متل ما بدّك.. ضلّك جحش (الجملة الأخيرة قلتها بنفسي )
|
اول شي ما شاء الله عنك شو بتتذكر شغلات ..
تاني شي يبدو انو دكتورك كان من متبني فكر المنطق البديل و كتيرة هالشغلات بسوريا حتي في عنا كاتب مشهور اسمو علاء الحلبي ناشر ابحاث بهالمجال و خصوصي الفيزياء المحرمة و تجارب تسلا و شغلات تانية ....
بعدين فيك تقول انو من منطقية اللا منطق تبع المذهب الثوري اللي دليتنا عليه ممكن يصير هالشي
و خصوصي مع عدم وجود نظرية تجمع الكم و النسبية بعد