اقتباس:
كاتب النص الأصلي : اللامنتمي
ليش فكرك رح يتركوه ليسيطر على هالبلدان
مين عمل أسطورة بن لادن ليش !. |
عملها الفصيل العربي و الاسلامي داخل النظام الرأسمالي العالمي اللي هو جزء من هالمنظومة متلو متل الصهيونية.. أرفض و بشكل قاطع اعتبار الأمر مؤامرة صهيونية حاكمة للعالم.. القضية أكبر من مجرد صهيونية... الرأسمالية العالمية أكبر بكثير
لو التاريخ ماشي بغير اتجاه و ما صار اللي صار داخل الاتحاد السوفييتي... كن على ثقة بن لادن هلأ كان امبراطور على دولة اسلامية كالخنجر بوسط الاتحاد السوفيتي على طراز اسرائيل بالشرق الأوسط.. و بنفس الاساليب و بنفس الطرق.. المفارقة انو مشي الحال بطريقة تانية و ما احتاجو يكمل المشروع (اللي كان مبلش فيه بافغانستان) و هلأ صار ينفعون بطريقة أخرى..
مافي رؤوس أموال و مجموعات نفوذ اقتصادي عربية عم تستفيد من اسرائيل و وجود اسرائيل و مشاكل اسرائيل؟ راح تقلي هدول خونة و هدول شو ما بدك... بس موجودين و للا لأ؟ محسوبين عالعرب أم لا؟ متلهون متل الصهيونية عندهم دور لازم يقومو فيه و مقابل هالشي ينالو شي محدد