[قرصان الأدرياتيك]

كاتب النص الأصلي : Nihal Atsiz

أستاذي المحترم أنا بتفق معك انو الأكراد أحيانا ببالغوا وبعملوا من الحبة قبة, لكن أنو نقول هن غير مضطهدين!!
لا هون بدك تسمحلي, مضطهدين ونص, يا أخي بحلب لوحدا في 14 مدرسة أرمنية ومدري كم مدرسة سريانية مقابل ولا مدرسة كردية مع أنو مجموع السريان والأرمن في حلب لا يصل الى عشر عدد الأكراد, ولا تقلي عن أساتذة عم يعلموا اللغة الكردية , أنا عم أسألك هل يوجد مدرسة كردية على غرار المدارس السريانية والأرمنية؟
وبالنسبة للقسم من الأكراد اللي عم يعملوا أحداث شغب بأعيادن من حرق للعلم السوري والمؤسسات ورفع أعلام كردستان أنا بأكدلك أنو غالبية هدول هن من منظمة بكاكا التي تقود قتالا مسلحا ضد الجيش التركي واللي كانوا مدعومين ومحميين من قبل المقبور حافظ الأسد, أي نعم حافظ الأسد هو اللي ربى اوجلان والانفصاليين ليكونوا ورقة بايدو ضد تركيا والظاهر أنو هلئ أنو السحر انقلب على الساحر.

يا هلا نهال...
طيّب يا صديقي، أنا رح أفترض معك وجود هالاضطهاد، فما ممكن أي سوري يتساءل أنّو هالكم الهائل من الأثنيّات الموجودة بسورية ما عم تشعر بعقدة الاضطهاد إلا "العرق الكردي"، وبرأيك مو لازم ينحكى بالأسباب إذا افترضنا (متل ما ذكرت) وجود الاضطهاد؟!
وبصراحة لو الدولة (ونحن كشعب شمال شرق سورية) شافت حسن النيّة من الأكراد، وأفعال (مو حكي) بتدلّ على أنّو الكردي بيهتمّ وبيخاف على سورية متل أي سوري بيحب هالوطن، فكون أكيد رح يتعاملوا متلن متل أي قوميّة أخرى. وحابب قول هون أنّو أكيد في أكراد طيبين ويتمتّعوا بمزايا خرج الدولة تمنحن الجنسيّة على أساسها، بس بصراحة هدول قلائل وجداً!
لا تأكّدلي يا صديقي على شيء أنت ما بتعرف عنّو إلا القليل... أنا عندي أصدقاء أكراد من عشائر وأحزاب مختلفة، وأكتر من هيك... عندي أصدقاء من "البشمركة" إذا بدّك... الله يذكرن بالخير مرّة من المرّات رجعولنا دينة مصاري كانت طايرة... المهم... موضوعنا هو وطنا سورية مو علاقاتنا الشخصيّة، وبرغم محبتي ألهن ومعزتي كمان فهالشي ما بيمنعني أختلف معهن دائماً على هالموضوع يللي عم نحكي فيه... هن بكل صراحة ومن جميع الأحزاب والقبائل ما بيآمنوا بوطن إلا "كردستان" وما عندن طموح إلا الحصول على هالوطن سياسيّاً وقانونيّاً... وبيعتبروا الجزيرة السوريّة، أو خلينا نقول شمال الجزيرة للدقّة أكتر، هي جزء لا يتجزأ من كردستان الكبرى...
فكيف بدّك يا صديقي من الدولة أنّو تمنحهن أشيا إذا حصلوا عليها بيكون راحت علينا وللأبد!
فأمّا "عن البككة" فنحن بنعرف أنّو الرئيس الراحل كان عاطيهن مدّ كبير، عن طريق "اللواء محمد منصورة" رئيس فرع المخابرات العسكريّة في المحافظة، وهو حالياً قابع في منزله تحت التحقيق بسبب الضغوط التركيّة...
هاي أمور معروفة وشبه معلنة بس أنا أكّدلك وببصملك أنّو كل كردي في المحافظة بيفضّل كردستان على سورية، ويفضّل الكردي العراقي على أي سوري آخر، ويعتقد بأنّو هو محتلّ من قبل الدولة السوريّة... والأصدقاء يللي كتبوا، لسّاتن ما أدركوا الحقيقة الكرديّة بهالمنطقة!
أنا خلصت تقريباً ما كان عندي... أنا عايش هالأمر وداخل بخوافيه تماماً، ويا ريتني كنت بالبيت لصورتلك ألك ولأيهم منشورات الأحزاب الكرديّة في الجزيرة السوريّة لتشوف بعينك شو عم نحكي!

كاتب النص الأصلي : ayhamm26

أول شي لا ابدا ما كان كلامي موجه الك
أكيد مو وطنية, بس لازم تعرف شو اللي وصل الامور لهون لانو ما في حدا بيولد من بطن امو مجرم
بهي ما بقدر قلك لاء بس انا كمان بعرف اكراد من اللي عايشين بالمدن الكبيرة وهني عكس اللي عم تحكي تماما
هدا مو حكي , انت عم تحكم علين من النية, يعني حتى لو اعلنوا انو ما بدن انفصال فبتقلي اكيد عم يخبوا اهدافن الحقيقية......... يعني بكل الاحوال هني بنظرك مدانين بتهمة الخيانة
يعني اذا هدا مو اسمو منطق اقصائي فما بعرف لكن شو بتسمي؟؟ على عيني لغتك العربية وانا كمان بعتز بلغتي العربية بس التانيين شو ذنبن؟؟ اذا هو مو عربي و ما بدو يصير عربي شو بتعمل في؟؟ بتقلعو برا البلد؟؟
ليش؟؟ لانو بكل دول العالم الاقليات بحقلها تتمتع بشوية حقوق, لك اسرائيل بتسمح للفلسطينيين بتعلم لغتن و نحني اللي المفروض الاكراد ولاد بلدنا بدنا نعربن غصبن عنن!!!
وين المشكلة يعني لو سمحتلن يعملو مدارسن الخاصة متلن متل الارمن والسريان وغيرن؟؟ وين الغلط لو سمحتلن يحتفلو باعيادن مو هيك بتكون حسستن انن سوريا هي فعلا بلدن
بما انك ذكرت قصة اكراد العراق, ياريتنا نتعلم من اللي صار هنيك
نتعلم انو البسطار العسكري بعمرو ما بيجمع شمل وطن

ما بعرف شو بدّي زيد أكتر على كلامي مع نهال...
بس بقلك شغلة أنّو أنا زلمة بيشتغل بالتاريخ والوثائق وما فيني قلك أكتر من هيك أحسن ما ينخرب بيتي! فمو موضوع حكم على نيّة... بل حكم عن قراءة وشوف بالعين هي اللي رح ياكلها الدود!
وفي أشيا مستحيل نشرها لا هون ولا بأي مكان آخر... بتدين كافّة الأحزاب الكرديّة في منطقة الجزيرة، والدولة بتعرف كل شيء...
أنت عداوتك للنظام بتخليك توقف بصف المستضعف وما عم قلك صح أو خطأ، بس عم قلك نحن سوريين ونحب بلدنا سورية ومستحيل أقبل بأي شخص عندو ميول لأي دولة أخرى وعندو أفكار متل ما موجود بالمنشورات الكرديّة.
ولازم تتساءل شوي أنّو ليش الأكراد مو غيرن مثلاً؟!
القصة مو موضوع تعرب الأكراد، بس المنطقة ما بتسمح بإنشاء حقوق ثقافيّة في المناطق على حساب ثقافة البلد العامّة... لسّاتنا بالزور عايشين وتقلي أقليات بدول العالم... يا رجل خلينا شوي منطقيين!

كاتب النص الأصلي : ابو ريتا

لا مانو مضطهد .... لما بيكون عايش متلو متل السوري بنسيج مجتمع متفق مع كل فئاتو .. مابيكون مضطهد .... لما بدو يعمل عنتر .... لازم يتوقف عند حدّو كرمال الأرض الي عايش فيها ... واحتراما للشعوب الي عايشة على نفس الأرض ...

حيّك أبو ريتا حيّك... .