اقتباس:
كاتب النص الأصلي : مملكة الورود
أنا بقول اللي انتي واياها واياه
اللي بتأيدو موضوع المساكنة يعني البوي والقيرل فرند بالمشرمحي
روحو لاقيلكن شي حدا لتسكنو معو
وفخار يطبش بعضو
|
يا عيني .. أنا و غيري سبق و حكينا انو لما نكون مع مو بالضرورة نقوم و نعمل هاد الشي .. يعني على فرض مثلاً إني مع المثلية الجنسية .. لازم صار مثلية حتى طبّق قناعاتي ؟!! أكيد لأ ... بس إذا بدرى انو في بين رفقاتي البنات وحدة مثلية ما ضروري قاطعا و أحكم عليها بالسوء و غير معاملتي الها .. لأنو أنا ما دخلني فيها طالما هي شخص منيح و ما أساءلي بشي و طالما بتعرف انو ميولي غير ميولها و بالتالي ما رح تجي تحاول معي شي معين ... من نفس المنطلق بقول انو أنا ما عندي مشكلة مع اللي بيساكنوا طالما هنن ما عم يؤذوا حدا .. الموضوع شخصي و متعلق فيهن هنن وحدن .. و أنا ما حدا نصبني محامية عن الأخلاق و الشرف لحتى قول عنن منحطين و منحلين .. بيجوز هالـ2 يكونوا عم يعيشوا سوا شي أرقى و أنبل من كتير أشخاص متجوزين و ورقتون بإيدون -يعني دايسين بحلق المجتمع- بس كل واحد منن عم يعمل السبعة و ذمتها بالخفا ...
بتمنى تكون وضحت الفكرة ...
يعني هلأ اللي ما بتساكن بس بتروح بتنام مع رفيقها بالسر .. هي إذا حملت رح يحطا على راسو و يقلا تاني يوم قومي نتجوز و سجل الولد بإسمي ؟!! أنا بعرف انو من أحد أركان الزواج هو الإشهار .. و بالمساكنة هاد الركن موجود .. يعني لما هالرجل رح يسكن مع هالمرا فطبيعي لما يصير حمل -في حال صار- انو يكون معروف للناس هاد الجنين مين أبوه ... بعدين الالتزام بالشخص ما بيتحدد بورقة .. يعني لما الرجال المتجوز ما عاد بدو مرتو .. ما بيقدر بكلمة وحدة يلحشا عالباب هي و ولادا و يعطيها نفقة كل شهر من الجمل أدنو و يروح يتجوز أو يصاحب أو يعمل ما بدالو ؟!!
أما بالنسبة للعنف ضد المرأة فما بعرف كيف ربطتيه بالمساكنة ..! اديش منسمع حوالينا عن نسوان بياكلوا كل يوم قتلة حشك و لبك من جوازون ؟!! لا يا ستي إذا صار عنف بالمساكنة أرحم و أهون .. عالقليلة فيها المرا تحمل حالا و تمشي .. بس المتجوزة بتنضرب على قلبا و بتسكت لأنو جوزا و الو كلمة عليها ...
و بحب الناس الرايقة اللي بتضحك على طـول D:
أما العالم المتضايقة .. أنا لأه ما ليش في دول
|