[اممي]

-لك صارلو الزلمة الف مرة سائلك منشان تروح لعندو شبك يعني ماحلوة منك
-والله ماعندي وقت وماعم اقدر ركز بنوب
-لك ياعمي معليش خود وعطي هالشغلة مابدها اكثر من نص ساعة ...بعدين شو في عندك يعني طول النهار قاعد بالبيت
-لك انت شو فهمك ...قال قاعد بالبيت قال ...غشيم
-وشو عم تعمل بلاصغرة يعني
-هاد ياسيدي انا عم خطط
-اووف شو عم تخبص ..لشو ياساتر
-لك لا يروح فكرك لبعيد انا عم خطط لمستقبلي
-تمام ان كتير منيح الواحد بيرسم خطواتو المستقبلية ..بس يعني هالشي بينظم الواحد مابيشلشو
-اااااخ المشكلة ان بعد ما بخلص كل خطة عم افحص الوقت الصفيان بلاقيه ماعاد بيناسب الخطة الزمنية الي انا خططتها بقوم بشقها وباشر بوحدة جديدة
-طيب هلق بدك تقلي ولا خطة من الي انت رستمن زبطت زمانيا
-لك لا في منن بيزبطو مع الزمن بس الضروف بتكون غير مناسبة منشان هيك باجلها للوقت المناسب
-بس هيك ياعمي انت ايمت راح تشتغل وتبني بيت وتزوج
-لك ياعيني عليك لكن كلن موجودين هون قدامي علي هالورقة وليك حتة انا مبارح كنت عم فكر باسم بنتي التانية كمان بس لولا ضيق هالوقت كنت اصلا ماعاد عرفتني
-ليك حبيب...هيه المشكلة بعتقدها بساعتك ,اكيد عم تزحط وصار بدها تغير ...غيرها يعني شو راح تخسر
-ياسيدي جبتها وهي راحت للخطة الجاية بس عنجد ممنونك اكيد الساعة
-اي هيه مرات بتاخر وبتقدم لحالها شي من البطارية شي من المنشاء احسن شي بتجيبها عالنبض لان بس بتوقف ساعتها راح نعرف ان الله نجانا منك ...يلعنك ويلعن تخ طيطك...مخطط قال