[jano.]

شكرا لكبرييل ولكل من شارك في هذا الموضوع عن الفن الراقي Nudity art
كفيتن ووفيتن بالشرح وبالمعلومات...
بس حابب ضيف هيك ملاحظة صغيرة.. احد الاخوة اعتبر لوحة مرسومة لامرأة سمينة انها اهانة!
وانا بتذكر من فترة في فنان رسم لوحة كمان لامراة تعاني من زيادة في الوزن بشكل فظيع, ولكن اللوحة عملت ضجة كبيرة, طبعا الضجة كانت لانو كل الناس اعجبو بفكرة الرسام وانباعت بسعر خيالي والرسام ماعاد يلحق يرد عرسائل الاعجاب من الاشخاص الي عندن مشكلة السمنة المفرطة واعتبروها لفتة انسانية ومبادرة طيبة من هالرسام...

بالنسبة Nudity art , طبعاً لا يعلى عن اللوحات الكلاسيكية والمنحوتات... وطبعاً لما بتمر بقرب احد هالتماثيل رح يكون الامر مختلف كتير عن مشاهدتو بالصور... عالطبيعة فيك تشوف قمة الابداع وتنذهل من التفاصيل ومن الجمال الي بيكمن بهل فن....
لكن انا بحب كمان التصوير الفوتوغرافي (ابيض اسود) وبتذكر كنت املك مجموعة كبيرة لاشهر الفنانين لكن للاسف ضاعت.... رح ضيف كم صورة لفنان اسمو Allan I. Teger

عندو طريقة حلوة كتير فيكن تشوفوها بالصور التالية... كمان فيكن تزورو موقعو الموجود على الصور.. الموقع بيتضمن كل اعمالو















في كمان فن الـ Bodypainting يلي بيرجع باصلو للشعوب القديمة متل الهنود الحمر يلي كانت ترسم على اجسادها كل ما قامت به من بطولات أو أعمال وكانوا يعرفو طبع الشخص من الرسومات يلي على جسمو وما كانو بيسمحو لاي واحد انو يستخدم هالرسومات إلا اذا اثبت جدارتو إما بالحرب او بالصيد او بالاخلاق الحسنة... لكن للاسف هالفن صار بالفترة الاخيرة فن دعائي وفقد قيمتو وصار فيه كتير تخبيص,,, ونادراً ما تشوف نماذج فيها حس فني...
فيني بغير مشاركة حط كم نموذج للبودي باينتينج اذا بتحبو....

- ومن اللوحات الي بحبا كتير بهل فن هيي اللوحات المرسومة بقلم الرصاص بشكل متقن... بحس انو قلم الرصاص هو اكتر شي بيوفي هالفن حقو ولما بتمعن بهيك لوحات بتذكر كل شغلة حلوة بحياتي وكل لحظة سعيدة عشتا... حصلت مرة على لوحة من شخص عزيز علي كتير كانت متقنة كتير ومعبرة وكانت اغلى شيء بملكو, لكن للاسف انتزعت لما غيرت سكني !!