مرحبا
اول شي الاسلوب اللي مكتوبة فيه (المقالة) كتير حلو وبيشد لاكائن اللي بيقرأ
تاني شي
اللي بينظلموا وبيجوعو بشر وفي بينهم كتير ابرياء ما اله علاقة بكل اللي بيصير فليش ليتعاقبوا وتتسكر عليهم المعابر ؟؟!
الناس بغزة صاروا ادوات بيتنازع عليها الاخوة بحماس والاخوة بفتح وكل طرف بدو يبين انو التاني مش سائل بالناس وانو هو السبب بمعاناتهم، وكل طرف مقتنع مليون بالمية انو خلاص ههالناس ونشلهم من الوضع اللي هم فيه بإيدو!
اما بالنسبة للدعم العربي ما بيبرر انقطاعه انو حماس مسيطرة على قطاع غزة لأنو الاغاثة الانسانية ما رح تعطي لحماس صواريخ ولأنو اغلب الناس اللي موجودة بالبلد سواء بالضفة او بغزة اللي بيجيها بتقبل فيه يعني اللي بيتجوز امي بنقلو يا عمي ! واتخيل كل العرب هيك مش بس الفلسطينية ! لهيك المساعدة بالحصار وتضيق الخناق على غزة تضامن مع اسرائيل مش تضامن مع فتح و خوف من ردة الفعل الاسرائيلية مش لأنهم بدهم يعاقبو حماس !
مش عايشة بغزة عشان اعرف قديش الوضع سيء بالزبط بس هون بالضفة الوضع أخف والناس جوعانة وكحيانة فكيف بمنطقة محاصرة ممنوع يدخلها الغذاء والدواء ولو ممكن يبسحبوا الاكسجين منها ؟؟
الله يكون معكو ويخلصنا من اللي احنا فيه