كيفك ناي
بدك الحقيقة ان بحياتي ما بحثت بهالموضوع ومتل مو شايفة انا اللي حاطط عنوان الاستفسار
بس انا بعرف انو الاسماعيليين صار عندون انشقاقين شهيرين الانشقاق الدرزي و الانشقاق الأغا خاني
يعني الدروز هني بالاصل اسماعيليين ومانا بهدول أما الأغاخانين
انشقوا بسبب رئيسي بسبب أيمانهون باستمرار الامامة اللي هي مستمرة لليوم
و الطائفة الاسماعيلية ككل بداياتها بلشت بتأسيس جامعة بمنطقة مصياف و جمع رسائل الفلسفة والرياضيات والطب و الفلك و إلى أخره من العلوم وجمعهوها برسائلهون الشهيرة برسائل اخوان الصفا وخلان الوفا
يعني الطائفة الاسماعيلية هي من الاساس قائمة على اسس عقلية وعملية وهني عندهون فلسفة صعبة كتير وبحر كبير بتبلش بالعقل الكلي وما بعرف وين بتخلص
و الباطنية بالنسبة للاسماعيلية انا شخصيا بشوفها شي مانو صحيح
لانو اي حدا هلق بيقدر يروح لعندي أش شيخ ومعلم بالطائفة وبيحكلوا كلشي بدو ياه على عكس غير طوائف متل (الدروز - العلوين) و هني بلشوا بفكرة جامعة بتجمع كل العلماء بوقتهون من كل الايادن والطوايف فما بعرف كيف ظبطت عليهون قصة الباطنية
الباطنية برأي صارت موجودة عنا ببلادنا لانو عنا ممنوع نحكي بهالشي
بس اذا بتروح ع باكستان او الهند فلا بتصير القصة باطنية ولا هم يحزنون
SYRIA "حسام*عاشق من فلسطين*ناطرك" We Ask The Syrian Government to STOP Banning Akhawia"
|