أهلين غابرييل
أنا كتير مبسوط أنك قريت الرسالة و الحقيقة استنتاجك بمحلو
بس أنا بالحقيقة حطيت القصة هون لأنو بتمس كل واحد فينا بالعمق
يعني هل الشب يلي كتب الرسالة بيشتغل بالحقل الكنسي مع مجموعة شباب و تحارب لأنو شغلو منيح
بس القصة مش واقفة على الكنيسة، نحنا بأي مجال عمل عم نتحارب و حتى بالدراسة
يعني انت بتشتغل بشركة اذا ما بتقبل تساير الشباب الطيبة يلي عم يلطشو لأنك شب نضيف
بيشغلو ليطيروك لأنو مصلحتون ما بتتناسب ووجودك معون بنفس الشغل
و كمان الشب منا بيدرس بالجامعة و بيبق عيونو بالمادة و لأنو الدكتور عندو الف طالب بدو يصلحلون بينجح نسبة
معينة و الباقي كلو بيرسب بغض النظر شو كاتبين و هيك قصص موجود بكل جوانب الحياة
لهيك حبيت اني حط هل الشي يلي كاتبو هل الشب لنو حسيت أنو بتعني كل شخص بغض النظر
شو بيفكر و شو بيعتقد
تحياتي
|