أنا ما بعرفو لكريم ولا بعرف ايا واحد من الشباب اللي اعتقلوا قبلو, لاني للاسف اكتشفت المنتدى بعدن
هالزلمة من خلال مواضيعو ومشاركاتو بالمنتدى كان عن جد مبدع, يمكن رفقاتو اللي لساتن هون بيعرفوا يوصفوا اكتر مني.
انا كل ما قريتلو موضوع "وصيتي" بحس شقد هالزلمة عندو وعي و شجاعة استثنائية خلتو يتحدى الجلاد ويرفض رغم كل شي يصمت او يغير خطو.
شقد هالبلد محتاجة ناس متلو, وشقد اللي متلو بيخوفوا الحلاد اللي عامل حالو على اساس زلمة.
كريم انا بقلك اني عم انتظرك لتطلع تكمل طريقك لانو طريق حرية سوريا اللي دفعتو في انت و رفقاتك أغلى سنين عمركن في سبيلو بيلزموا مشاعل متلكن لتنير الدرب.