اقتباس:
كاتب النص الأصلي : sona78
غريب هالكلام ..
يعني فهمت وكانو كان باراك اوباما مخير لا مجبر باتخاذو هيك قرارات ..
بتوقع لو كان الوضع العام بامريكا والعراق وافغانستان افضل مما هو عليه حاليا ما كانت هالمواقف ( المشرفة ) اجت وشرفتنا ...
|
بالفعل غريب كلامي ماهيك؟؟
يعني انتي شو الفرق معك اذا كان مجبر أو مخير.. بالعكس ياستي مجبر الزلمة وماعندو خيار غير هيك... شو التصرف العاقل الواعي يلي لازم نعملو؟ نستغل هالظرف يلي هو مجبر فيه ونفتح حوار ونشتغل على مصالحنا معو ولا نقلو يا إبن الكلب انت مجبر على انك تعمل هيك وبدنا نذلك ونلعن ابوك ونخليون يرجعو على سياسة بوش؟؟
يعني يلي حاربنا وبهدلنا ما عجبنا ويلي اجا لعنا وبدو يحاورنا ويفتح معنا صفحة جديدة "حتى لو بعدو بأول الطريق" كمان ماعجبنا...
يعني برايي امريكا حاليا ما عندها خيار اخر ... لا الحل العسكري مطروح بسبب عدم التوفيق بالحربين الاخيرتين ( طبعا متل ما بدهون هنيي اي بدون خسائر كبيرة .. لانون عمليا حققو اهدافهون من خلال السيطرة على منابع النفط وتاجيج النزاع الطائفي ) ولا الحل المادي لانو حاليا امريكا عم تعيش ازمة مالية كبيرة اثرت عليها بشكل كبير
ومن حيث مواقفها ممن اسرائيل .. يعني ع مين عم نضحك؟؟؟ بخطابو حلو هي النقطة كانت المهانة لكل فلسطيني كتير كبيرة .. هلق الفلسطينيين عم يدورو على وطن متل الاسرائيليين ؟؟ هيك نحطو بنفس الخانة؟؟ وكانو ما كان يوما ما لكل فلسطيني بيت وارض ودولة .......
اقتباس:
|
لا يا صديقي .... اوباما عم يقدم يلي قدمو فقط لانو الحلول البديلة غير متوفرة حاليا ..
|
وين المشكلة طالما انو عم يقدم على حسب حكيك بغض النظر شو ظرفو... خلص خلينا فارضين نظرية المؤامرة ونستنى بن لادن ليبعتلو كم طيارة تانية لبين مايتوفر عند اوباما حلول تانية ويكبلنا على ضهرنا مي باردة ويرجع لسياسة بوش...
اقتباس:
والارهاب .. كانو يعني هيك اكرابادابرا لحالو قنبز راسو .. يعني وكانو هني ما كانت علاقاتهون سبب اساسي لنشوء القاعدة لما كانت الشيوعية هيي الشيطان الاكبر .. طبعا راحت الشيوعية لكانت متمثلة بالسوفييت واجا الاسلام الارهابي ... اي اكيد ... وهني صارو ضد الارهاب .. بس مستحيل يعترفو بمسؤوليتون بنشوء هيك ارهاب وبتعويض الناس يلي اتضررت من ساستكون الغبية بالفترة الماضية ....
|
حدا قلك انو الجماعة مو غلط طول عمرون؟ واحد عم يقلك نحنا غلطنا معكون وبدنا نصلح غلطنا ونطلع من العراق وأفغانستان ونعتمد معكون سياسة الحوار وتبادل المصالح ونوقف الدعم الأعمى لإسرائيل ومعترفين بحقوقكن وبقضاياكن وتعو نتفق... شو الرد لازم يكون؟ يا كلاب يلعن أبوكون مابدنا؟؟
مابعرف شو الفكرة من اعتماد سياسة الندب واللطم وتغييب العقل دايماً؟؟ وأخر شي منقلون ليش اسرائيل وصلت علاقتها معون لهون ونحنا لهون...
اقتباس:
اش معنى المانيا لازم تعوض اليهود وليبيا لازم تعوض .. و البشير لازم يتحاكم وميلوفيستش .... وووو ووووو وو وتطول القائمة وواحد متل بوش وبطانتو السياسية منعتبر حكمون هوي خطا .. خطا راعكم الله .... وسعدو
وكانو يلي ماتو هني هيك ناس اقل قيمة من غيرون
|
شو هالحكي هاد؟؟ عم تحكي كأنو نحنا بدنا نفرض شروطنا الكاملة ونحا الطرف الأقوى بالمعادلة !!! يعني خلصنا من هالطريقة المتعجرفة على الفاضي ويلي كل مانها عم تضر بمصالحنا...
عيني خلص مابدنا حوار معون ولا نصلح الوضع وبكرا الصبح بدنا نحتل واشنطن حتى يعوضونا عن سياسة بوش...
اقتباس:
|
يعني برايي صراحة بعد ما طعمو الناس بكل العالم خـ..ا ( حشا السامعين ) شافو انو حلون يدورو ع شي جديد يطعمون ياه لانو مخزونون كش ....
|
إي؟؟ كيف لازم نتعامل مع هالوضع؟ منستغلو ومنشتغل عليه ولا مامنستغلو ومنستنا ليتغير هالظرف ويحلو مشاكلون بدوننا؟؟ الحقيقة تفكير استراتيجي ممتاز...
اقتباس:
ما بعرف شو راي الرفاق بخطاب اوباما مبارح .. بس برايي انو هالخطاب الطنان كان خرج شي شيخ من مشايخ الازهر .. اكتر من خطاب لرئيس اميركا ....
قال عندون مواقف لا مجال للنقاش فيها قال .... مسخرة
|
بالفعل مسخرة بس بتعرفي الحمدلله انو خلال طغتية الخطاب كان في اجماع من 95% من الأرارء النخبوية والشعبية مع استغلال هالنقلة بس والـ 5% بن لادن والظواهري وجماعتون ماعجبون وبدون يغزو أميركا,,, فمابعرف مع مين بدنا نمشي...
بحب قلك انو الشعب السوري وهو شعب معروف بعدائو لمواقف أميركا استقبل الخطاب بكل عقل وقلب مفتوح وارتفعت شعبيتو للزلمة بشكل كبير "حسب الاحصاءات عم حاكيكي" وكلو عم يقلك خليني افرض حسن النية وإتأمل خير من هالشخص..
اقتباس:
|
من ناحيتي لا طالبة سلام ولا يحزنون ... بلكي كل اسرائيلي وكل امريكي ساهم بحرب العراق بشكل سياسي او دبلوماسي او عسكري ينحط ع الخازوق يموت ع الف مهلو ... وبعد ما كل واحد منون بيدوق يلي عم يصير بالعراق وغزة .. وقتها يمكن يصير عندي قدرة على السلام ... لسا ما بعرف
|
اي هيك غير حكي.. خليكي ناطرة لتخوزقيون كلون وخلي اسرائيل عم تستغل نطرتك وتعزز نظرة العرب الارهابيين يلي مافي أمل منون ويا أميركان تعو لعنا نحنا الأوادم الحضاريين يلي خرج نتبادل معكون المصالح...
خطاب عاطفي صرلو 80 سنة مبهدلنا وكل مانو عم يبهدلنا أكتر..
اقتباس:
|
فادي ... انت كنت شربان شي لما كتبت يلي كتبتو؟؟؟؟؟؟؟؟؟؟؟؟؟؟؟؟؟
|
إي كنت شربان وبعدني شربان وكتير فرحان انو في رئيس أميركي عم يبلش خطابو بـ "السلام عليكم" وجاية يحاورنا "عل حد قولو" وماني مستعد ضل عم سبو ليتغير أو ليجي مجنون تاني متل بوش...
سلامات
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!