السلطة الروسية
مرحبا هلا أنا بدي نزل طريقة تطبيق السلطة الروسية انشالله ما يكون حدا سابقني ومعلمكون ياها
مشان المقادير أنا ما بحب شغلة المقادير لأنو كل واحد ممكن يحب بالاكلة شي معين وممكن يكتر منو أو يكره شي ويقلل منو المهم انا رح حط المكونات وطريقة العمل
هي السلطة كتير طيبة باردة وكتير سهل عملها بسرعة بالبيت
المكونات:
بطاطا، جزر، بازيلا، توم، ميونيز ، مخلل، ليمون ،ملح (بيض مسلوق ،مرتديلا) للزينة اذا متوفر
طريقة التحضير:
منقشر البطاطا والجزر ومنقطعون مربعات صغيرة متوازنة (متل بعض) ومنسلقون مع البازيلا سوا (بس لا نهلسون كتير بالسلق انو يصيروا كتير طراية)
بهي الاثناء منكون هرسنا كم سنة توم (قليل بس للنكهة ما تكتروا) وضفنالون الليون المعصور مع الملح
منصفي الخضرا ومنخليها شوي لتبرد (شغلة كم دقيقة) بعدين منضيف الميونيز مع الليمون يلي عملناه قبل شوي ومنقطع مخلل خيار كمان مربعات متناسقة مع البطاطا والجزر ومنخلطون سوا بس على مهل بحيث ما يصير عنا خبيصة
منفضيون بجاط مرتب ومنضيف على الوجه شوية ميونيز ومنزين بالبيض المسلوق المقطع بطريقة حلوة دوائر او طولياً مع المرتديلا ومناكل وصحة وهنا
معقول أنا والجاجة فكرنا بنفس الشي لما قطعنا الطريق!
|