[Tarek007]

والحقيقة مو موجودين عنا

رغم انهم موجودين بس رح احكي كم كلمة

1- ناقصو أخوة بكل معنى الكلمة , طبعاً إذا كان المنتدى على أسمو

لأ يا سيدي عنا أخوة ...حطها بين عيونك بتشوف الكل اخواتك و تصرف ع هل الاساس

لازم تعرف انو الاختلاف هو دليل صحة و لما بيكونوا الاعضاء مختلفين اليوم و عم يتخانقوا بكروا بيصروا أصحاب و احباب ...و العكس صحيح ...هي هية الحياة

لانوا نحنا هون بمنتدى حوار و الغاية منو هو الحوار ....لو كانوا الكل متل بعض و افكارون متل بعضها ...فا ما في داعي يكون المنتدى من اصلوا إلا لطق الحنك و العلاك المصدي ( مع احترامي للجميع )

- ناقصو صدق مشان يكون أحسن من هيك وما في داعي للمجاملات

بلش بنفسك دائماً لا تجامل حدا ....و كون صادق مع نفسك اولاً و بعدين مع غيرك

الله يرحمك يا ستي :
كانت تقول الكذاب بيشوف كل الناس كذابين ...و الحرامي بيشوف الكل حرامية

الحكي مو الك - بس أنا بقول تعامل مع الكل بصدق و رح تكون النتيجة خير ...حنى لو كانوا كذبين ....خليك صادق و رح تشوف كيف رح تعديهم


منشان موضوع المجاملات بس تشوف حدا عم يجاملك اعترض عليه

موضوع من يومين نزلتوا " شو جن الحكيم " أعترضت على المجاملة !!!!!

كونوا هيك نقديين مع انفسكن بعدين التفتوا لغيركم

يعنى مشاركة ما ألها طعمة مافي داعي ل مشان يحاول يكون مشاركاتو أحسن بالمرات القادمة

هاد الكلام بينطبق على اقسام دون اقسام
يعني مثلاً :
الصالون للتعارف و الحكي ( اسموا صالون ) و ع الطاير للمزح ...و كل واحد عندو طريقة بالتعبير بتختلف عن غيروا
فالمشاركة يلي بتشوفها ما الها طعمة بيجوز ضل عم اضحك عليها ساعة و العكس صحيح كمان !

أما بالنسبة للمواضيع الجادة فما فيك تحدد تماماً شو هي المشاركة يلي ما الها طعمة

بس اذا زادت نسبة الردود الخارجة عن النص بموضوع جاد ( بتمنى تنحذف او يتم نقلها لموضوع تاني منفصل )




3

- ناقصو قرارات حذف عضوية بشكل صارم و( مستعد أنا كون أول شخص) إذا غلطت بحق حدا ( نشالله ما بطول هون ) لأنو في عالم حرام تكون موجودة هون

موضوع حذف العضوية أنا ضدوا تماماً لانوا العضو بكل بساطة بيقدر يعمل اشتراك تاني :

حسون = شقورة عيونها زرق = بطل الاخوية
( حتى انا عندي تسجيلات كتيرة بأسماء مختلفة للطوارىء!! )

أذا ما قدر المنتدى و الاعضاء يروضوا العضو الجامح فهي بتكون مشكلة كبيرة !!!

و الحل بالسجن يلي موجود بالدرجة التانية
و بيجوز ما يحل المشكلة
بس بعدها
الموضوع لازم يمر بفصل مؤقت على عدة مراحل.... بعدين آخر الطب الكي .....و هاد الشي عفكرة هو اهانة للأعضاء و المنتدى اكثر من العضو المفصول - بطريقة ما شرحها يطول -

* حوار الأديان - القسم هون أسمو حوارالأديان مو أسمو مسبات الأديان وما بعرف شو الفائدة منو , ممكن يكون مشان يدخل العضو بغض النظر شو دينو وينزل مسبات بدين تاني
أمور الدين لا أنا فيني حلها ولا العضو الفلاني وغير الله ماحدا بيحلها , هادا خلاف من أول الخلق لو بدو ينحل كان أنحل من زمان - وأساساً ماحدا فيه يغير وجهة نظر التاني

سابقاُ حكينا كتير بهي القصة و هلق صار مو مين ما كان بيقدر يكتب بحوار الاديان
بس مجموعة الديكارتيين و بظن انو الادارة عم تشتغل على هل الموضوع

هلق بكل بساطة أذا ما عجبك القسم لا تدخل عليه !!!!

كنا ع الايام البيئة القديمة نفوت غصب عنا ...لما نشوف اسم الموضوع عم يمرق بالشريط
بس انا من وقت ما عملوا هي البيئة الجديدة ما حطيت رجلي هونيك

يصطفلوا ....هاد الموضوع الادارة بتحددوا


أذا كان العضو كتير حاسس انو غليظ عملوا حجب

أو بلغ عن مشاركة عاطلة منشان تساعد الادارة

يعني حبيبي لا تحصر بقلبك و فضفض ....بنقرة وحدة مو اكتر

بعرف انو الادارة عم تتأخر شوي بس هنن هلق مضغوطين و لسا المنتدى ما اكتمل تماماً

السياسة - في بعض الجاهلين و الحاقدين ( وحقدهم طائفي لا أكثر ) وما حدا بيعرف شو مبتغاهم بيضلو نازلين طالعين عم ياك .......... على أبو جنب
كيف بدو يكون النقاش سياسي إذا كان أساسو دين. وطائفة فلان و علتان ......
مين بيتمنى تكون سوريا نهايتها متل نهاية العراق ( طبعاً فشروا تكون ألها نهاية )وسوريا دائمة للأبد
إذا ما كنا كلنا مع رئيسنا متل ماهو معنا . فنحنا حرام نكون سوريين وعايشن فيها

شوف حبيب الجهل و الخيانة و التكفير ما لازم ترميها هيك ع العالم
و لازم تحسن ألفاظك و تتعلم تحكي بأحترام مع الجميع
لحتى نقدر نشوف شو مشاكلك

اذا كنت بتحب الرئيس يلي اجا بالوراثة فهي مشكلتك....انا ما انتخبتوا
رئيسك رهينة ‏مؤسسة لم يصنعها بل هي من صنعته
و اذا كنت عم تحكي عن الطائفية فالنظام هو الطائفي وقت بيكون 95% من ضباط الجيش كلون من طائفة واحدة و وقت بيصير الامن و المخابرات بيد طائفة و وقت بيصي تميز الناس بالخفاء (الظاهر) ع هل الاساس فأنا لازم احكي عن الطائفية يلي عم يقودها النظام ( رغم اني أنا طارق ما عملتها و لا مرة )



رح اعطيك مثال صغير من الخطاب الاخير لبشبوش :

"نتحدث دائماً عن الوحدة ‏الوطنية .. نقول تعزيز الوحدة الوطنية .. ولكن نسمع مصطلحات أحياناً كمؤتمر للمصالحة الوطنية ‏وكأننا قبائل متناحرة فى هذا البلد .. نخرج من حرب اهلية .. وعندما نتحدث عن تعزيز الوحدة ‏الوطنية لا يعنى ذلك انها غير موجودة .. عندما نقول ان الوحدة الوطنية غير موجودة .. هذا يعنى ‏حرباً اهلية .. لا يوجد حل وسط .. لكن الوحدة الوطنية أيضاً كأي شيء اخر لها معايير ومقاييس .. ‏ليس بالضرورة ان تكون رقمية .. لكن تعتمد على الحالة الوطنية ..".‏

لو لم يكن هنالك ‏مشكلة في هذه الوحدة الوطنية .. لماذا إذن يتم استحضارها في الخطاب ؟؟

الحديث المتكرر للسلطة عن ‏الوحدة الوطنية هو تأكيد لإشكالية مزمنة - طبياً - ومرض مزمن يشكل أحد الأوجه المرضية الأخطر في ‏الوضع السوري .. ومع ذلك السؤال:
ما القصد بأنها ليست وحدة رقمية

عقلي ربما لا يستوعب ‏العلوم الرياضية .. القصد أن المعارضة تطرح وحدة وطنية رقمية بناء على العدد الإجمالي للطائفة ‏السنية ..؟ يعني دعاة المصالحة هم من يدعون لوحدة رقمية وطنية؟

‏‏ .. وهذا في استبدالية خطيرة يمكن أن يستنتج بعض المغرضين امثالي التالي:
الطائفة السنية أكثرية عددية لكنها لم تحز على العلامات المتقدمة في الوطنية .. بل حصل عليها العسكر من ‏أبناء شعبنا من الطائفة العلوية والتي هي أقل عددية من الطائفة السنية.؟ معادلة أولى .. وفي نفس النسق ‏الاستبدالي:‏عائلة الأسد حصلت على العلامات الأعلى في امتحان الوطنية داخل الطائفة العلوية .. وبهذا هي الأحق في ‏رسم معيار الوطنية لسورية الحبيبة .. أليس هذا تفسيراً لما جاء في الخطاب !! عن الوحدة الوطنية ..؟ ‏وهل بشار مقتنع فعلاً بهذا الرد على المعارضة التي تدعو لمؤتمر مصالحة وطنية ..؟؟؟؟

أسهل الأشياء هي اتهام بعضنا كسوريين بالخيانة، لكن يخطر ببالي أن أتهم أحداً من ‏العسكر الذين عبقريتهم كانت فائقة في سرقة الشعب السوري والتنكيل به وبرموزه كلها
،.. كل سوري معني بسورية ‏ مثل أي مسؤول حزبي أو سياسي أو عسكري .. إلخ، ولكن مع فارق بسيط، أننا ليس لدينا‏ سلطة نخاف على خسارتها .. او أموال مسروقة نخاف على مصادرتها، أو في أعناقنا دماء بريئة ‏نخاف انتقام أصحابها أو أصحاب أصحابها


هؤلاء المطلوبين: من أين أتوا بأموالهم ..؟ سؤالي بسيط وساذج، لكنه بالنسبة لي ‏كمواطن عادي سؤال مهم. كيف يطلب من الشعب السوري حماية لصوص؟
هؤلاء أيديهم ملطخة بدماء الشعب السوري أيضاً واللبناني والفلسطيني .. إلخ، وأستثني ماهر الأسد من زاوية الأمانة المعرفية فقط .. وأياديهم سوداء تماماً ولا يوجد أي مسحوق في الأرض ‏يستطيع تبييض أياديهم .. فالدم السوري لا زال يابساً على بزاتهم العسكرية .. فهو - أقصد الدم السوري - ‏النيشان الوحيد الذي يعلقونه فخراً واعتزازاً على صدورهم ..

بشار الأسد يموت ولا ‏ينحني لأمريكا ومطالبها .. وهذا ما بدا جلياً في الخطاب الذي أغرق عيني بالدموع .... شعرت أنني سأسمع بعد هذه العبارات الحماسية ضد أمريكا قرارات مصيرية مثل تبييض السجون، ‏أو إلغاء المادة الثامنة من الدستور أو الدعوة لمؤتمر وطني عام يناقش الوضع السوري، وحيثياته بحرية ‏وعقل مفتوح، بحيث أن هذا القرار الذي اتخذه : أن يوافق عليه كل الشعب السوري .. أو أن يطرح ‏استفتاء على الشعب السوري .. استفتاء حراً وتصويتاً سرياً بلا رقابة، ويتضمن ‏سؤالاً واحداً: هل يقبل الشعب السوري بتسليم هؤلاء المطلوبين إلى لجنة التحقيق .. وأين في لبنان أم في ‏سورية أم في مكان آخر ..؟






حاجة كترنا .......