ايــــــــــــــــــــــه شو طمنتين ، على عيني والله يا غالي ، (لك سمعنا الشب، و رجعنا سمعناه ، وركينا على حالنا و كبسنا و سمعنا كمان غنيية) بس يا رجل ما كان ينهضم سادة هيك لحالو.. ، كان لازم تمرق غنية لشهد مثلا ، لأبو الزلف ، بين الغنية والغنية تبعون جورج طحان (انو تينهضمو اغانيه..) ..
وضليتني هاكل الهم كل اليوم اتقلب من اليمين للشمال ، من الشمال لليمين، روح واجي بهال الغرفة، انو في إنّ بالموضوع ..
لك ليش ما عم ينهضم معك يا ابني يا حسام ، لدرجة شكيت بحالي، قلت معقول منسوب الحمصني بدمي يكون انخفض!! مثلا بسبب الشوب؟؟ بسبب ردائة البزرة ؟؟ بسبب قلة الكنياك ؟؟ معقول السطل غاضب عليي؟؟ ولا شو القصة يا ابني يا حسام ، ما عوايدك تلخبط بريحة المصفاي بنوب ...
و فعلا _مالك عليي حلفان اخي بالاك "و عايشي وحدها بلاك وانت بتعرف هال الشي وعم بتخبي بس ما مشكلي هلق رح اتكتم على الموضوع انا وداري عليك"
_ مالك عليي حلفان ترى صرت متل تقول بلشت وسوس ، (لك مش سوس ، وسوس وسوس هاي غير سوس) اي صرت وسوس و المسا بعد ال 9، 9 ونص بصير بقول وس وس وس وس .. (اوقات ع العشرة بتصير معي على حسب يعني ما اتدقق كتير انت) .. اي هيك ..
اخخخخخخ يا لله شو انك كبير، و بعليائك دخيلو اسمك اللله يخليلك كل ملائكتك و رسلك ويحميلك عزرائيل من صيبة العين .. كيف اتلطفت عليي و نقلت نفوس الشب على حلب _بليلة ما فيها ضو قمر_ و رحمتني من تأنب الضمير وال وس وس وس (من التسعة عشرة وطالع) ما بعرف .. ما بعرف شو بدي قلك .. على عيني حبك يا كبير.. لك انت الكبير و احنا كلنا من بعدك ، انت الأصل _اي بيشرفي_ والسطل ورفقاتو كلون تقليد وما بيجو نقطة ببحرك ..
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !