بتذكر أيام اللي ما كان في غير التلفزيون السوري، وكتب التربية الوطنية بالمدارس، كنا نحنا وصغار مفكرين أنو كل العالم شايف اللي نحنا شايفينو، وكنا نستغرب أنو ليش ما عم ترجع فلسطين مع أنو جرايم اسرائيل مبينة وصور الانتفاضة وتكسير العضام واضحة. بعدين بس كبرنا شوي وبلشنا نقرا ونسمع عرفنا أنو كنا بس دافنين راسنا بالرمل وما عم نشوف غير اللي عم يحطولنا ياه على التلفزيون، وتعلمنا أنو ما بيكفي يكون عندك قضية لحتى تربح، وأنو ما شي اسمو عدالة مطلقة وحق بيرجع بس لأنو حق. وعرفنا أنو الحرب الإعلامية اللي كنا (ومازلنا) فاشلين فيها هي جزء كبير من أي معركة وما لازم نتجاهلا، والمهم أنو الإعلام مو يكون موجه بس للي مقتنعين بالفكرة وإنما الأهم أنك تقدر توصل فكرتك للي مقتنع بعكسا.
إبحث أنت عن المعرفة فالمعرفة لا تبحث عن أحد
Whether humanity will consciously follow the law of love, I do not know. But
that need not disturb me. The law will work just as the law of gravitation
works, whether we accept it or not
Ghandi
|