[sandra]

كاتب النص الأصلي : personita

وين كاين ها الموضوع؟ ما شفتو إلا هلأ!!
هدى، شكرا على النكشة
الموضوع مثير فعلا! بس سندور، في شغلات ما فهمتا: يعني المفروض كل هاي ميكانزمات دفاعية لاواعية عند الإنسان بتساعدو على تحقيق توازن نفسي أو التخلص من حالة بتسببلو ألم أو ضيق نفسي. هلأ مثلا، الانزياح، والمثل اللي أعطتيه، الموظف المعتر اللي بيفش خلقو في الزوجة المعترة، إلخ، سلوك بيساعدو لها الشخص لينتقم لكرامتو المجروحة يااللي ما قدر ينتقملا بمواجهة الشخص اللي سببلو الأذى النفسي.
الإنكار، النكوص،الاستذهان، الإسقاط، فهمت مهمتها من حيث أنها ممكن تكون "مَنْفَذ" نفسي، بس الجسدنة مثلا، شو تفسيرها؟ بشو ممكن يساعد ها الشعور نفسيا؟ ونفس الشي بالنسبة للحصر أو البلوك، في هاي الحالة بيصير شي محرج أكثر من متنفس أو سلوك مساعد..

اييي الموضوع كاين صرلو زمان وجبنا فيه سيرتك بس مدري ليه ما طنت أدنك وقتها

ميكانيزمات الدفاع النفسي بالأساس مهمتها خلق حالة من التوازن عند الفرد و تخفيف حدة التوتر النفسي المؤلم والقلق وحالات الضيق

بالنسبة للجسدنة والبلوك بتختلف عن باقي الميكانيزمات بأنها دفاعات غير ناضجة وبتكون الأنا هشة وغير ناضجة متل ما ذكرنا ببداية الموضوع
يعني مثلاً ... شب مراهق بدو يلتقي ببنت ورح يكون هاد موعدو العاطفي الأول ... فمن الوارد جداً يتلبك وتصير قصص بمعدتو وهو عم ينطر حبيبتو ... بعدين على مر السنين والخبرات ما بيعود كتير بيحس بهالأعراض بموعدو الأول ونفس الشي بينطبق عالتلبك قبل الامتحان وهكذا ...
و

كاتب النص الأصلي : حنين.

العفو برسون
انا دائما بالنكش
سؤال قديم رجع خطر ببالي
بعد ماعرفنا الميكانزمات الدفاعية اللي مفروض بتشتغل بطريقة لا شعورية
هلق ماعاد تقدر تخدعنا وتصير من ورانا صح؟
طيب ما منكون خسرنا شي عطلنا شيءمهم؟
او بالعكس تماما؟ شو رايكم يا جماعة الخير

بعتقد الموضوع مش موضوع تخدع أو لا ومعرفتنا فيها وبوجودها ما بيعني أنها ما عاد تحصل ... رح تضل تحصل بشكل لا واعي
بس هلا الواحد بيفهم ليش تصرف بهالطريقة بالموقف الفلاني
يعني الاطلاع عليها بيساعدنا على فهم ذواتنا أكثر ومكمن القوة فيها أو الضعف

على أي حال رح نكمل مع باقي الميكانيزمات